Il chantun Son Gagl vul sajettar l'entir triep da lufs da la Val Calfeisen. Perquai ha il chantun inoltrà la dumonda da sajettar quel tar la Confederaziun. Dapi l'avust ha Son Gagl la lubientscha da sajettar trais luffins dal triep da Calfeisen. Fin uss n'è la regulaziun dentant anc betg gartegiada.
La finamira dal chantun saja da mo tolerar lufs che sa deportian nunproblematic, e ch'acceptian mesiras per la protecziun da muntaneras, hai num en ina communicaziun. Il triep da Calfeisen haja gia fatg gronds donns vi da nursas.
Plinavant saja il triep vegnì pli mobil e sa mova pli lunsch suenter la tratga dals luffins. La Val Calfeisen sa chatta al cunfin cun il Grischun.
