Siglir tar il cuntegn

Header

cuntegn

Vallais Dumber d’infecziuns novas è sa reducì

Il chantun Vallais è in pass ordavant al rest da la Svizra. Per far frunt a la pandemia ha il Vallais prendì pli baud mesiras restrictivas. Sco i para ha quai valì la paina: Il dumber d’infecziuns novas è sa reducì. L’entschatta da l’emna passada ha il Vallais annunzià mintga di radund 800 cas novs, tranter venderdi e sonda en media 630 cas novs per di, pia in tschintgavel pli pauc.

Sco la directura dal chantun Vallais Esther Waeber-Kalbermatten ha ditg envers SRF mussan las mesiras effect. Tuttina ha ella discurrì d'ina tendenza provisorica.

La fin d'emna avain nus gì ina considerabla reducziun. Ma eba, quai è be trais dis.
Autur: Esther Waeber-Kalbermattendirectura dal chantun Vallais

Las mesiras da corona èn en il Vallais pli strictas che quellas dal Cussegl federal. Per exempel èn visitas en chasas d'attempads ed ospitals scumandadas e mascra ston ins gia purtar en scola secundara. Ussa paran questas mesiras d'avair effect.

Ord l'archiv da SRF

video
Mesiras da corona tutgan ferm il Vallais
Or da Schweiz aktuell dals 22.10.2020.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga