La cumissiun per segirezza sociala e sanadad dal Cussegl naziunal va per gronda part d'accord cun la refurma da l'AVS. La maioritad sustegna las decisiuns dal Cussegl dal chantuns – tranter auter er l'element da central d'augmentar la vegliadetgna da pensiun da las dunnas sin 65 onns.
Ultra da quai sustegna la cumissiun:
- il supplement da renta graduà per las emprimas 9 annadas da dunnas cun vegliadetgna da renta pli auta,
- la flexibilisaziun da la vegliadetgna da renta da 63 fin 70 onns sco er
- ils 0.3 puncts procentuals supplementars da la taglia sin plivalur per la AVS.
La cumissiun veglia cuntinuar cun la fatschenta senza far midadas essenzialas, communitgeschan ils servetschs parlamentaris. La finamira da la cumissiun saja da tractar a fin la fatschenta en vista a la sessiun da stad.