Finamira dal studi è d'examinar las consequenzas cumplessivas e socialas da la vendita regulada, sco l'Universitad da Berna ha communitgà. Per il studi cun num «Script» èsi planisà da recrutar radund 1'000 participantas e participants. Quellas pon retrair dad apotecas tschernidas ils products da cannabis producids spezialmain per il studi. Sa participar al studi pon persunas che consumeschan gia products da cannabis en lur temp liber ed han almain 18 onns.
Dasper il BAG han er la cumissiun d'etica chantunala da Berna e da la Svizra dal Nordvest e Svizra Centrala dà las lubientschas necessarias. Er las citads da Berna, Lucerna e Bienna han dà lur consentiment.
Or da l'archiv
En Svizra è la vendita da Cannabis che na cuntegn betg dapli che 1% THC legala. RTR ha visità il 2017 in'interpresa grischuna.
