L’autoritad da surveglianza da las viafiers ha resalvas cunter las mesiras ch’il schef da la SBB, Andreas Meyer, ha proponì per far frunt als retards. Las viafiers stoppian en mintga cas resguardar las premissas da las concessiuns e dals plans da la rait. Quai scriva l’Uffizi federal da traffic tenor la «Sonntagszeitung» en in palpiri d’analisa.
Concret munta quai che la SBB na dastga betg stritgar singuls curs u fermadas, sco Meyer aveva proponì. Er l’idea che bus duajan sistematicamain remplazzar singulas colliaziuns da viafier refusescha l’uffizi federal.
RR novitads 12:00