Siglir tar il cuntegn

Header

cuntegn

Viafiers federalas Nov record tar la distanza d'ir cun il tren

Anc mai han las persunas che van cun tren en Svizra fatg tants kilometers sco il terz quartal da quest onn. Sch'ins dumbra ensemen tut ils trajects dals passagiers da tren vegnan ins sin ina distanza da 5,5 milliardas kilometers. Quai scriva il servetsch d'infurmaziun dal traffic public.

Ils kilometers da persuna sajan durant il terz quartal s'augmentads per 7,6%. Er quel augment saja in nov record. Per part saja quai era d'attribuir a las novas vias da traffic. Tenor las Viafiers federalas sajan plinavant ils novs bigliets da spargn in motiv per l'augment. Latiers dettia in creschament fundamental solid en il traffic da persunas.

Il traffic da rauba na saja betg creschì il terz quartal. Cun in minus da 0,7% saja quel dentant marginal.

RR novitads 10:00