Siglir tar il cuntegn

Header

Andreas Meyer, schef SBB e Monika Ribar, presidenta cussegl d'administraziun (maletg d'archiv).
Legenda: Andreas Meyer, schef SBB e Monika Ribar, presidenta cussegl d'administraziun (maletg d'archiv). Keystone
cuntegn

Viafiers federalas Successur d'Andreas Meyer survegn 20% damain paja

Quel u quella che succeda ad Andreas Meyer sco schef da las Viafiers federalas survegn 20% damain paja. Quai ha declerà la presidenta dal cussegl d'administraziun Monika Ribar envers la gasetta «Le Temps».

La paja fixa muntia 800'000 francs senza cassa da pensiun. Quai che muntia maximalmain in milliun francs. Il nov CEO da las Viafiers federalas stoppia er savair discurrer pliras linguas naziunalas. Quai na fetschia betg pli simpel la tschertga dal stgars pedra preziusa, i na saja dentant era betg impussibel da chattar insatgi, declera Ribar. Il candidat u la candidata stoppia era esser sensibel per il servetsch public. El u ella stoppia savair che la SBB na saja betg ina interpresa sco in'autra.

SuccessurA fin la fin da l'onn

La SBB saja il mument vi da contactar candidatas e candidats pussaivels. I haja gia dà annunzias. Ribar spera da pudair preschentar sin la fin da l'onn in successur.

Andreas Meyer banduna la SBB sin il pli tard la fin da l'auter onn. Andreas Meyer è dapi il 2007 a la testa da las Viafiers federalas. Sco el ha detg, saja quai bun da chalar avant 60. Auters sajan vegnids ed ids. El veglia sez pigliar l'iniziativa e betg spetgar fin ch'el sto ir.

Video
Andreas Meyer: «Quai è in mument fitg emoziunal per mai»
Or da News-Clip dals 04.09.2019.
abspielen

Telesguard dals 5 da settember 2019
Il directur da la Viafier retica, Renato Fasciati na vul betg daventar successur dad Andreas Meyer.

Video
Novitads
Or da Telesguard dals 05.09.2019.
abspielen

RR novitads 06:00