Il Cussegl federal resta era ils onns 2024 fin 2027 tar sia strategia per la SBB. Principalmain durant la crisa da corona saja questa strategia sa cumprovada. En singuls secturs dovri dentant adattaziuns, perquai che las cundiziuns generalas èn sa midadas considerablamain. Pitschnas midadas dettia quai en la finanziaziun da la SBB. Là spetgia il Cussegl federal ch'il grad da debits vegnia fin l'onn 2030 puspè ademplì. Durant il temp da corona ha la SBB surpassa quel fermamain.
Il Cussegl federal è persvadì che las Viafiers federalas sajan en in bun stan cun las finamiras strategicas adattadas per procurar ils proxims 4 onns per in traffic public effizient, fidà, segir ed ecologic en Svizra.
Mintga quatter onns decida il Cussegl federal sco possessura da la SBB la strategia da la viafier federala. L'ultima giada e quai capita l'onn 2018.
