Las Viafiers federalas han annunzià da reducir la temperatura en ils trens per dus grads. Quai a partir da la fin d'october. Sco l'interpresa communitgescha, saja la midada da 22 sin 20 grads strusch da remartgar. Dal november fin il favrer possian ins uschia spargnar 5’000 fin 8’000 uras megawatt electricitad. Per cumpariziun: ina chasada svizra consumescha en media 4,5 uras megawatt electricitad l'onn.
audio
Per tadlar: curt e cumpact
ord RTR Audio dals 20.10.2022.
laschar ir. Durada: 45 Secundas.
Plinavant vul l'interpresa reducir il tempo da trens en il tunnel dal Gottard. En l'urari hai reservas, uschia ch'i na dettia nagins retards entras quella midada.
