Siglir tar il cuntegn

Header

Turists chinais a Lucerna.
Legenda: Lucerna è ina da las destinaziuns svizras fitg popularas tar ils turists chinais. Keystone
cuntegn

Virus da corona Il turissem svizzer sto quintar cun damain giasts

Il virus da corona tutga uss er il turissem svizzer. La fin d'emna ha il ministeri da turissem chinais scumandà viadis da gruppa.

Tenor represchentants da turissem sajan las consequenzas il mument anc pitschnas, quai possia dentant sa midar. Ils giasts che viageschian durant las vacanzas dal Bumaun chinais en la Svizra, sajan numnadamain gia arrivads.

Svizra Turissem quinta dentant, ch’il dumber da turists chinais pudess sa reducir ils proxims mais per 30 fin 50 pertschient. Prognosas pli detagliadas na sajan betg pussaivlas, ha ditg il pledader.

Industria svizra è attenta

Er interpresas svizras ch'èn activas en la China han decidì mesiras da precauziun. Ellas restrenschan viadis en ed ord la China ed infurmeschan lur persunal.

RTR novitads 16:00

Artitgels legids il pli savens

Scrollar a sanestra Scrollar a dretga