La Svizra stat avant decisiuns da princip en la politica dal clima. Entant che las leschas existentas prevesan gia mesiras e meds finanzials per la protecziun dal clima, vegn bainbaud votà davart in arranschament che va cleramain pli lunsch. Inoltrà l'iniziativa han la Partida socialdemocratica ed ils Verds.
Il Cussegl federal ed il parlament ageschan dapi decennis cun leschas e mesiras cunter las sfidas da la midada dal clima, di il cusseglier federal Albert Rösti a la conferenza da medias.
Las emissiuns da CO2 èn sa reducidas cleramain en Svizra ed ellas vegnan a sa reducir vinavant.
Quai en accordanza cun la finamira da Netto nulla che la populaziun ha fixà cun ina clera maioritad l'onn 2023, en connex cun la inoltraziun da la lescha davart il clima e la lescha d'innovaziun. Netto nulla signifitgescha che la Svizra duai reducir sias emissiuns fin l'onn 2025, oravant tut las energias fossilas, tant sco pussaivel sin nulla.
Tenor Albert Rösti hajan ins contribuì ils ultims onns bler a la politica dal clima. En il parlament èn vegnids prendids differents conclus e las votantas svizras ed ils votants svizzers han ditg Gea a quels.
Rösti punctuescha che questas leschas sa chattian en realisaziun ed il Cussegl federal constateschia che questas leschas fetschian er effect. Sco exempels concrets en quest connex numna el l'electrificaziun da la mobilitad e l'installaziun da panels solars.
Opiniuns divididas
Il Cussegl federal ed il parlament recumondan da dir Na a l'iniziativa. Els renvieschan al fatg che var 2 milliardas francs stattan gia a disposiziun per onn a la Confederaziun per la protecziun dal clima e che la Confederaziun metta a disposiziun in mix equilibrà d'instruments cumprovads. L'iniziativa metta unilateralmain l'accent sin las subvenziuns ed engrevgiass fermamain las finanzas federalas.
Ord punct da vista dal comité d'iniziativa sto la Svizra agir svelt en vista a la gronda consternaziun da la midada dal clima. L'iniziativa pussibilitescha investiziuns sistematicas en energias regenerablas, en sanaziuns d'edifizis ed en tecnologias favuraivlas al clima e renda la Svizra pli independenta cun remplazzar ieli e gas.