Be stgars ha il suveran approvà l'iniziativa da cuvrir la fatscha. La maioritad da las persunas dumandadas hajan vis burcas u nicabs sco simbols encunter ils dretgs da las dunnas. Tge che fa surstar: La maioritad da las dunnas dumandadas – var 56% – hajan ditg Na. Tar ils umens saja quai il cuntrari. Ed anc in'autra conclusiun: Pli veglias che las persunas dumandadas eran pli tgunsch ch'ellas han ditg Gea.
En general hajan atgnas ponderaziuns gì dapli pais che parolas da partida. La glieud haja ditg Na a la carta d'identitad electronica, perquai ch'els avevan dubi vi da la segirezza da datas.
Tar il Gea a la cunvegna da commerzi cun l'Indonesia era il bainstar economic pli impurtant che l'ecologia, malgrà che la differenza è stretga.
