Siglir tar il cuntegn

Header

cuntegn

Votaziuns lescha dal clima Roman Hug: «Il punct da partenza da la lescha è cumplain fauss»

audio
La PPS è cunter la lescha davart la protecziun dal clima
ord Actualitad dals 04.05.2023. Maletg: RTR
laschar ir. Durada: 3 minutas 39 Secundas.

L’iniziativa dals glatschers è ida memia dalunsch al parlament ed al Cussegl federal – uschia han els fatg ina cuntraproposta: la lescha davart la protecziun dal clima. Cunter questa ha la Partida populara Svizra prendì il referendum e cun quai vegn votà davart la lescha dal clima.

Arguments da la PPS Grischun cunter la lescha da clima:

  • Sco regiun periferica e muntagnarda saja il Grischun dependent d’in provediment d’energia segir e pajabel.
  • Ils scumonds e las regulaziuns che la lescha prevesa turmentia il pievel cun custs pli auts.

Da principi è la PPS da l’opiniun ch’i saja gist da producir pli pauc CO2, dentant n'èn els betg perina cun il punct da partenza da la lescha da clima. Dentant saja tenor Roman Hug, il president da la PPS Grischuna grev da cuntanscher la finamira da clima 2050, pia dad esser neutral al clima fin là.

Nus vain adina ditg ch'i saja grev da cuntanscher la finamira da clima 2050.
Autur: Roman Hug president PPS Grischun

Dal sustegn da l'uniun purila ha la PPS da desister, questa s'ha numnadamain expressa per la lescha da clima. Quai n'haja betg fatg plaschair a Roman Hug, dentant è el optimistic che la lescha vegn refusada. Sche quai duaja esser il cas, alura vegn l'iniziativa da glatschers puspè activa, premess che las iniziantas ed ils iniziants tegnan ferm vi da questa.

Da l'iniziativa da glatschers enfin la lescha davart la protecziun clima

  • 2019: l'Iniziativa da glatschers è vegnida inoltrada, passa 110'000 persunas han suttascrit.
  • 2020: Il Cussegl federal vul ina cuntraproposta directa cunter l'iniziativa da glatschers – ella giaja memia lunsch. Il Cussegl federal na vul numnadamain nagin scumond explicit per funtaunas d’energia fossila.
  • 2022: Il Cussagl Naziunal approvescha la cuntraproposta directa cunter l'inizitiva dals glatschers.
  • 2022: Il comité retira l'iniziativa da glatschers.
  • 2023: La PPS inoltrescha suttascripziuns cunter lescha dal clima, uschia reussescha il referendum.
  • 18 zercladur 2023: Il pievel votescha davart la lescha da clima.

RTR actualitad 12:00

Artitgels legids il pli savens