Uss èsi cler, davart tge fatschentas federalas che las Svizras ed ils Svizzers decidan ils 26 settember. Il Cussegl federal decidì a chaschun da sia sesida dals 19 da matg da trametter en votaziun:
- la lètg per tuts
- e l'iniziativa 99%.
Il project da votaziun lètg per tuts vul lubir er a pèrs omosexuals da maridar. Plinavant duajan pèrs lesbics survegnir access a la donaziun da sems. Cunter questa midada en il Cudesch civil ha in comité fatg il referendum.
Cun l’iniziativa 99% vulan ils giuvens socialists midar la taxaziun da gudogns sin chapital. L'iniziativa pretenda che las entradas ord chapital, sajan quai tschains u dividendas, vegnan suttamessas ad ina taglia pli auta che fin qua. Las entradas supplementaras da taglia duain lura vegnir duvradas per sbassar las taglias per persunas cun pajas bassas u mesaunas.
Nagina votaziun en il Grischun
En il Grischun na datti nagina votaziun chantunala ils 26 da settember. Nagins projects sajan actualmain pronts per ir a l'urna, ha decis la regenza.
Ord l'archiv:
