Siglir tar il cuntegn

Header

cuntegn

Petra Gössi, PLD Mesiras Covid-19: cler plan da sortida

La Svizra dovra in cler scenari da sortir da las mesiras da corona. Quai ha ditg la presidenta da la PLD, Petra Gössi, a la radunanza da delegads digitala.

audio
Petra Gössi fa pretensiuns
00:22 min, Novitads dals 06.02.2021.
laschar ir. Durada: 00:22 minutas.

Il plan da 100 dis da la partida mussia la via: Proteger, indemnisar e vaccinar saja la necessitad actuala. Reglas da quarantina che na fetschian betg senn, stoppian svanir. Il program da vaccinar n’haja betg cumenzà bain. Uss, cura ch’il dumber da novas infecziuns giaja enavos e ch’i dettia mutaziuns dal virus, dovria ina perspectiva – ha suttastritgà Gössi.

Cassis: «Era il Cussegl federal è stanchel»

Era al Cussegl federal tanschia plaunet cun la pandemia da Covid-19. La crisa saja dentant anc betg a fin, ha il minister da l'exteriur Ignazio Cassis detg a chaschun da la radunanza da delegads. Pervia da las mutaziuns dal coronavirus possian las cifras puspè crescher. Il mender scenari fiss in ulteriur lockdown. E quai stoppian ins en tut cas evitar.

audio
Cassis: «Era il Cussegl federal è stanchel»
00:25 min, SRF 4 News aktuell dals 06.02.2021.
laschar ir. Durada: 00:25 minutas.

Lescha Covid-19

Ils delegads han detg Gea a la lescha da Covid-19. Quella vegn en votaziun ils 13 da zercladur. Il project da votaziun metta las mesiras dal Cussegl federal sin ina basa legala ed è vegnì cumbattì cun in referendum. La lescha è limitada sin la fin 2021.

Parolas zercladur 2021

A lur radunanza virtuala, han ils delegads da la Partida liberal-democratica dà or las parolas per las votaziuns dals 13 da zercladur. Els din Na tant a l'iniziativa per aua da baiver netta ed alimentaziun sanadaivla sco er a l'iniziativa per ina Svizra senza pesticids sintetics. Quai ha la partida communitgà via Twitter

RTR novitads 15:00

Artitgels legids il pli savens

Scrollar a sanestra Scrollar a dretga