Siglir tar il cuntegn

Header

Karin Keller-Sutter a la conferenza da medias.
Legenda: L'introducziun da la lètg per tuts elimineschia il tractament inegual da pèrs da medema e da differenta schlattaina, ha argumentà Karin Keller-Sutter. Keystone
cuntegn

Votaziun dals 26 da settember Cussegl federal di Gea a lètg per tuts

audio
Il pled da la cussegliera federala Karin Keller-Sutter
02:39 min, Actualitad dals 15.09.2021.
laschar ir. Durada: 02:39 minutas.

Il Cussegl federal di Gea a la lètg per tuts, uschia duain pèrs da la medema schlattaina avair ils medems dretgs sco pèrs da schlattaina differenta. La ministra da giustia svizra Karin Keller-Sutter ha il mardi preschentà ils arguments dal Cussegl federal per la votaziun dals 26 da settember.

Eliminar inegualitads

L'introducziun da la lètg per tuts elimineschia il tractament inegual da pèrs da medema e da differenta schlattaina tar la natiralisaziun facilitada, l'adopziun e la medischina da reproducziun. Per il Cussegl federal na dettia naginas raschuns dad excluder pèrs da medema schlattaina da la lètg, ha argumentà il Cussegl federal. Per la lètg tranter um e dunna na sa midia nagut.

Oz pon umens e dunnas da la medema schlattaina laschar inscriver lur partenadi, na dastgan però betg maridar. Tenor la cussegliera federala Karin Keller-Sutter na duai il stadi dentant betg scriver avant als umans, co ch'els han da crear lur vita privata e da famiglia.

audio
Per tadlar curt e cumpact
01:24 min, RTR Audio dals 22.06.2021.
laschar ir. Durada: 01:24 minutas.

RTR novitads 10.00

Artitgels legids il pli savens

Scrollar a sanestra Scrollar a dretga