Siglir tar il cuntegn

Header

cuntegn

Walter Thurnherr Collavuraziun tranter politica e scienza saja stada manglusa

En Svizra è la collavuraziun tranter la politica e la scienza stada manglusa durant la crisa da corona. Quai ha ditg il chancelier federal Walter Thurnherr en in’intervista cun il «TagesAnzeiger».

La relaziun tranter scienza e politica saja en Svizra en general memia pauc clera e per part tendida, di il chancelier federal vinavant. Contacts tranter ils dus munds sajan rars. Durant la pandemia haja tuttenina dà conferenzas da medias cun scienziads, dals quals la politica n’haja gnanc savì ch’els existian.

Las differenzas sa mussian tranter auter en il sistem da pensar da politica e scienza. La politica en Svizra saja adina a la tschertga da cumpromiss e da maioritads. En la scienza na giaja dentant betg per cumpromiss d'opiniuns.

«Intensivar barat»

Savens haja la politica nizzegià la scienza mo per dus intents: Dad ina vart per giustifitgar ina refunda, da l'autra vart per sustegnair quai «che pareva a la politica insumma gia bun». Savens haja la politica instrumentalisà la scienza per ses agens interess. Plinavant crititgescha Thurnherr il Cussegl federal: Quel haja incumbensà la Taskforce scientifica memia tard.

En l’avegnir stoppia il barat vegnir intensivà ed er instituziunalisà, uschia il chancelier federal.

audio
Per tadlar: las novitads da las 09:00
03:33 min, RTR Audio dals 19.07.2021.
laschar ir. Durada: 03:33 minutas.

RTR novitads 09:00

Artitgels legids il pli savens

Scrollar a sanestra Scrollar a dretga