A Wangen an der Aare en il chantun Berna è l’entira scola vegnida serrada. La raschun èn pliras infecziuns cun il coronavirus, tranter auter er infecziuns cun la mutaziun da la Gronda Britannia. En consequenza haja l'uffizi dal medi chantunal ordinà a trais classas da restar en quarantina – sco er che l'entira scola vegnia serrada, sco il manader da scola Andreas Oetliker ha ditg envers l'agentura da novitads Keystone-SDA. La mesira dura enfin sonda proxima. Oz glindesdi na dettia nagina instrucziun. A partir da mardi dettia lura instrucziun a distanza.
Avant radund ina emna han er las scolas a San Murezzan stuì serrar per intgins dis:
video
Coronavirus mutà a San Murezzan
Or da Telesguard dals 18.01.2021.
laschar ir. Durada: 2 minutas 53 Secundas.
