La cumissiun da concurrenza WEKO ha chastià pliras firmas d’informatica pervi da cunvegnas da pretschs. Pertutgada da questas cunvegnas è tenor communicaziun da la WEKO la Banca naziunala svizra BNS.
Las firmas d’informatica hajan cooperà tar las investigaziuns. Ellas stoppian uss pajar in chasti d’en tut 55’000 francs, uschia la WEKO. Quai è stada l’emprima investigaziun da la cumissiun da concurrenza pervi da cunvegnas da pretschs en il sectur da l’informatica.