Siglir tar il cuntegn

Header

cuntegn

Whistleblowers Cussegl dals chantuns approva regla da protecziun

Il Cussegl dals chantuns vul reglas, co igl è d'ir enturn en l'avegnir cun whistleblowers, per ch'els na cuntrafetschian betg a la lescha. El ha approvà ina proposta dal Cussegl federal, cun 26 cunter 16 vuschs e duas abstenziuns.

Il Cussegl naziunal è cunter la lescha. Sche la Chombra gronda refusa ina segunda giada il project, è quel giud maisa. Quai chaschunia dentant per situaziuns absurdas. A las duas dunnas che hajan scuvrì irregularitads en il departament social a Turitg hajan obtegnì il Prix Courage, sajan lura dentant vegnidas sentenziadas pervia da violaziun dal secret d'uffizi.

Naginas reglas

Oz manca ina regulaziun explicita tar il whistleblowing. Las dretgiras èn responsablas per decider sch'in whistleblower ha blessà l'obligaziun da fidaivladad envers ses patrun u betg. Ina protecziun cunter la disditga n'è betg previsa.

RTR novitads 20:00

Artitgels legids il pli savens