Ils puncts neuralgics sajan tenor la Polizia chantunala dal Grischun: vers sid a La Punt/Reichenau, vers nord a Giuvaulta – là nua che la via ha be in vial. Vitiers vegn in impediment supplementar tar il tunnel d'Islabella. Là è il tempo reducì sin 60 km/h. La polizia chantunala cusseglia als automobilists e las automobilistas da restar sin l'autostrada, era sch'i dettia colonnas. La fin finala na sajan ins betg pli spert cun duvrar vias da guntgida, perquai che quellas sajan spert stuppadas.
Project da pilot
Per schliar il problem dal traffic tras ils vitgs sper l'A13 han il chantun Grischun e la Confederaziun lantschà in project da pilot. Uschia vegn il transit tras Panaduz e Razén serra sur ils dis da Pasca. Be abitantas, abitants, furniturs u il traffic public dastgan passar. La via da transit n'e dentant betg barricadada, il scumond da charrar è signalisà. Per pudair evaluar, quant traffic da transit ch'igl haja tuttina dà, èn la duas vischnancas sa messas ensemen. I dat numadamain ina dumbraziun automatica da traffic sur Pasca. Cun las cifras concretas possian ins lura evaluar meglier il project da pilot.
Jau sun da buna speranza, che la signalisaziun dal scumond da transit vegn a chaschunar l'effect giavischà.
Il president communal da Razén, Reto Loepfe, e la presidenta communala da Panduz, Elita Florin-Caluori, sa mussan optimistic ch'il project vegnia ad avair l'effect giavischa. La finamira è numnadamain che las vias en ils vitgs sper l'A13 n'èn betg pli stuppadas.
