Las fotografias da la chas'alva pudessan era esser quellas d'in grond center da cumpra. 98 pigns, 33'892 ruclas da Nadal, 22'100 stgellinas e 4,5 km bindels dattan tempra da Nadal.
I dat dentant era da vesair chaussas privatas da la famiglia Biden. Per exempel datti ina figura da lur giat Willow e dal chaun Commander. Vid la roma dals pigns pendan era cuvertas cun brevs ch'il president dals Stadis Unids ha survegni. Qua sa tracti natiralmain betg da brevs secretas mabain da maletgs e chartas ch'el ha survegnì dad uffants ed admiraturs.
