Oz è festa da Nadal per tai e per mai ed en stiva stat in bellezza pignol. El è decorà en las pli differentas e bellas colurs. Flavia ed ils uffants chantan oz ensemen cun tai tut las chanzuns da Nadal, uschia che ti pos alura chantar ellas la saira cun tia famiglia e tes chars. Sas ti forsa gia tge

Chars uffants - damaun è il grond di. Mo pli ina porta enfin Nadal. Oz trenain nus anc ina giada las chanzuns per nossa festa gronda da damaun.

In trampolin, in bel chaval, in pèr guants, in bel termagl. La glista da giavischs tutga simplamain tar Nadal. Ma da Nadal na datti betg mo pachets - ins po er far in grond plaschair ad auters cun in servetsch, in bun pled, in surrir ubain cun in maletg fatg sez.

Anc trais dis enfin Nadal. Co statti cun tias preparaziuns da Nadal? Has ti gia fatg ina glista da giavischs per il bambin? Era nus avain fatg ina glista da giavischs e noss pli grond giavisch è temp cun nossa charas e noss chars.

Cun la roma da Lina lieur ha Flavia zambregià in pign. Has er ti gia zambregià ina u l'autra chaussa per Nadal? Sper il zambregiar chantain nus oz ina chanzun cunlingua da segns. Guarda ina giada, co che quai funcziuna.

Lina, la lieur dal Gôt Miraculous, fa ses exercizis da sport, cura ch'ella survegn visita da Flavia e regala a lezza insatge per sia decoraziun dal pignol. Sas ti tge ch'ella pudess regalar?

Has er ti gia schonglà ina giada cun mandarinas? Quai n'è gnac uschè simpel. Perquai exercitain nus oz in rap da mandarinas che vus pudais er far a chasa e nus sautain ensemen tar la chanzun "Nadal es qua".

Chau ensemen. Oz mussa Flavia la chanzun "Fer giò la naiv" cun scuettas e barschuns. In gieu che vus pudais era far en dus, cun il frar, la sora, il cusrin u cun la tatta ed il tat.

L'enviern èsi mintgatant in pau stentus. Mintga damaun èsi da trair en guants, chapitscha, ina detga schlingia e chalzers chauds per pudair ir ord chasa ed igl è da far giu la naiv dapertut...

L'enviern faschain nus bellas scursaladas, ma faschain er gugent figuras da naiv. Grondas, pitschnas, fermas, finas, legras u nauschas. Lain chantar ensemen la chanzun da l'um da naiv.

Oz vulain nus ir ensemen a scursalar. Siglir sur ils bots e far risadas. Tgi sa forsa datti er ina u l'autra botta blaua. N'hai betg avunda naiv? Lura sesa sin ina sutga en stiva, chombra u en cuschina e chanta ensemen cun nus la chanzun.

Giaudas era ti il mument, cura ch'i cufla e naiva, cura che gronds flocs dattan giu da tschiel? Temp d'ir a scursalar, ir cun skis, far cursa lunga u figuras da naiv. Lain chantar ensemen e laschar naiver.

Flavia visita la tschuetta Rut en il Gôt Miraculous. Tgi sa, sch'ella chatta Rut? Cun sunar l'instrument funcziuna quai franc u tge pensas ti?

Enconuschas ti in instrument che tuna sco ina tschuetta? Na? Alura guarda ina giada tge che Flavia ha chattà. E ti, has chattà ora quantas giadas ch'ella ha sunà?

Has ti gugent bellas laternas da tuttas colurs? Grondas e pitschnas, radundas u quadras? Oz pos era ti zambregiar ina laterna, chantar la chanzun da las chandailas e ponderar a tgi che ti vuls dar vinavant la glisch sco regal. Forsa a tes bab, a la tatta u tuttina a tia madritscha u a tes ami?

Creflis, tustgets, mamas, bomas u grassins? En rumantsch duvrain nus differents pleds per ils biscuits. Ma co èsi cun tai? Has ti er gia fatg intgins creflis? Flavia chanta oz cun tai la chanzun dals creflis e stgauda la pigna.

Natiralmain tutga tar il temp d'advent er il far biscuits. Sche l'abitaziun odura da creflis, chanella, pulvra da neghels e vaniglia, èsi temp da far tustgets. Flavia, Carla, Roc Mattiu, Adina ed Onna Paulina fan oz tustgets e mussan a tai tut las ingredienzas ch'els dovran. Chanta er ti cun nus la

I dat tantas bellas chanzuns da las stailas. Enconuschas erti ina? Nus chantain oz ina chanzun che raquinta, co ch'ils anmimals van a durmir. Sche ti has gust, pos ti serrar ils egls e t'imaginar in tschiel plain stailas e stailinas.

Oz è il di da Son Niclà. Es er ti gia gnervusa? La visita dal Son Niclà po schon far in zichel impressiun cun ses mantè cotschen, ina barbuna alva e ses asens... Ma temair il Son Niclà na stuais vus betg - anzi vus pudais chantar ina chanzun per el. Co fissi cun ina da questas qua sutvart?

Flavia visita oz per l'emprima giada ils trais amis dal Gôt Miraculous. Tgi sa tgi ch'ella entaupa là? En il Gôt Miraculous va ella ussa dascus, cun allegria e grond schlantschg - fai adatg...