En il Vatican cun Curdin Brändli

Rumantschas e Rumantschs na datti betg be en la Rumantschia, mabain els datti in pau dapertut sin quest mund. Prisca Bigliel è puspè sin visita tar intgins cumpatriots e cumpatriotas ch'han chattà lur nov dachasa ordvart la Svizra.

Curdin Brändli è creschì si a Malans cun in frar schumellin e duas soras ed ha suenter la matura e la scola da recruta cumenzà quest onn ses temps sco gardist. L'idea per quest servetsch saja vegnì durant ina visita a Roma, nua che sia famiglia haja visità il Vatican e la guardia papala.