Chalender d'advent
Chalender d'advent | porta 24: Nadal è qua
Oz è festa da Nadal per tai e per mai ed en stiva stat in bellezza pignol. El è decorà en las pli differentas e bellas colurs. Flavia ed ils uffants chantan oz ensemen cun tai tut las chanzuns da Nadal, uschia che ti pos alura chantar ellas la saira cun tia famiglia e tes chars. Sas ti forsa gia tgenin dals trais amis da Got Miraculous che vegn a participar a la festa? Las pli grondas mirveglias avain nus dentant, co che tes pignol da Nadal guarda ora. Trametta a nus enfin ils 03 da schaner 2022 ina fotografia da tes pignol decorà. Tschuetta Rut tira alura la sort da tut las fotografias e trametta a trais uffants in regalin cun bellas surpraisas.13 min
Chalender d'advent | porta 23: Preparaziun per la festa da Nadal
Chars uffants - damaun è il grond di. Mo pli ina porta enfin Nadal. Oz trenain nus anc ina giada las chanzuns per nossa festa gronda da damaun.8 min
Chalender d'advent | porta 22: Far plaschair ad auters
In trampolin, in bel chaval, in pèr guants, in bel termagl. La glista da giavischs tutga simplamain tar Nadal. Ma da Nadal na datti betg mo pachets - ins po er far in grond plaschair ad auters cun in servetsch, in bun pled, in surrir ubain cun in maletg fatg sez.3 min
Chalender d'advent | porta 21: Mia glista da giavischs
Anc trais dis enfin Nadal. Co statti cun tias preparaziuns da Nadal? Has ti gia fatg ina glista da giavischs per il bambin? Era nus avain fatg ina glista da giavischs e noss pli grond giavisch è temp cun nossa charas e noss chars.4 min
Chalender d'advent | porta 20: Ina staila clera al firmament
Cun la roma da Lina lieur ha Flavia zambregià in pign. Has er ti gia zambregià ina u l'autra chaussa per Nadal? Sper il zambregiar chantain nus oz ina chanzun cunlingua da segns. Guarda ina giada, co che quai funcziuna.4 min
Chalender d'advent | porta 19: Lina, la lieur sportiva
Lina, la lieur dal Gôt Miraculous, fa ses exercizis da sport, cura ch'ella survegn visita da Flavia e regala a lezza insatge per sia decoraziun dal pignol. Sas ti tge ch'ella pudess regalar?5 min
Chalender d'advent | porta 18: Rap da mandarinas
Has er ti gia schonglà ina giada cun mandarinas? Quai n'è gnac uschè simpel. Perquai exercitain nus oz in rap da mandarinas che vus pudais er far a chasa e nus sautain ensemen tar la chanzun "Nadal es qua".4 min
Chalender d'advent | porta 17: Far giu la naiv
Chau ensemen. Oz mussa Flavia la chanzun "Fer giò la naiv" cun scuettas e barschuns. In gieu che vus pudais era far en dus, cun il frar, la sora, il cusrin u cun la tatta ed il tat.5 min
Chalender d'advent | porta 16: Resti chaud per l'enviern
L'enviern èsi mintgatant in pau stentus. Mintga damaun èsi da trair en guants, chapitscha, ina detga schlingia e chalzers chauds per pudair ir ord chasa ed igl è da far giu la naiv dapertut...4 min
Chalender d'advent | porta 15: Luar sco figuras da naiv
L'enviern faschain nus bellas scursaladas, ma faschain er gugent figuras da naiv. Grondas, pitschnas, fermas, finas, legras u nauschas. Lain chantar ensemen la chanzun da l'um da naiv.4 min
Chalender d'advent | porta 14: Lain ir a scursalar
Oz vulain nus ir ensemen a scursalar. Siglir sur ils bots e far risadas. Tgi sa forsa datti er ina u l'autra botta blaua. N'hai betg avunda naiv? Lura sesa sin ina sutga en stiva, chombra u en cuschina e chanta ensemen cun nus la chanzun.3 min
Chalender d'advent | porta 13: Cur ch'i naiva
Giaudas era ti il mument, cura ch'i cufla e naiva, cura che gronds flocs dattan giu da tschiel? Temp d'ir a scursalar, ir cun skis, far cursa lunga u figuras da naiv. Lain chantar ensemen e laschar naiver.4 min
Chalender d'advent | porta 12: La tschuetta Rut
Flavia visita la tschuetta Rut en il Gôt Miraculous. Tgi sa, sch'ella chatta Rut? Cun sunar l'instrument funcziuna quai franc u tge pensas ti?4 min
Chalender d'advent | porta 11: Tgi che sa chantar, sa era dumbrar
Enconuschas ti in instrument che tuna sco ina tschuetta? Na? Alura guarda ina giada tge che Flavia ha chattà. E ti, has chattà ora quantas giadas ch'ella ha sunà?3 min
Chalender d'advent | porta 10: Ina glisch per tai
Has ti gugent bellas laternas da tuttas colurs? Grondas e pitschnas, radundas u quadras? Oz pos era ti zambregiar ina laterna, chantar la chanzun da las chandailas e ponderar a tgi che ti vuls dar vinavant la glisch sco regal. Forsa a tes bab, a la tatta u tuttina a tia madritscha u a tes ami?3 min
Chalender d'advent | porta 9: Stgaudar pigna
Creflis, tustgets, mamas, bomas u grassins? En rumantsch duvrain nus differents pleds per ils biscuits. Ma co èsi cun tai? Has ti er gia fatg intgins creflis? Flavia chanta oz cun tai la chanzun dals creflis e stgauda la pigna.3 min
Chalender d'advent | porta 8: Nossa pasternaria da Nadal
Natiralmain tutga tar il temp d'advent er il far biscuits. Sche l'abitaziun odura da creflis, chanella, pulvra da neghels e vaniglia, èsi temp da far tustgets. Flavia, Carla, Roc Mattiu, Adina ed Onna Paulina fan oz tustgets e mussan a tai tut las ingredienzas ch'els dovran. Chanta er ti cun nus la chanzun dals creflis.4 min
Chalender d'advent | porta 7: Chandailas per mai, chandailas per tai
I dat tantas bellas chanzuns da las stailas. Enconuschas erti ina? Nus chantain oz ina chanzun che raquinta, co ch'ils anmimals van a durmir. Sche ti has gust, pos ti serrar ils egls e t'imaginar in tschiel plain stailas e stailinas.4 min
Chalender d'advent | porta 6: Jau sun gnervusa
Oz è il di da Son Niclà. Es er ti gia gnervusa? La visita dal Son Niclà po schon far in zichel impressiun cun ses mantè cotschen, ina barbuna alva e ses asens... Ma temair il Son Niclà na stuais vus betg - anzi vus pudais chantar ina chanzun per el. Co fissi cun ina da questas qua sutvart?4 min
Chalender d'advent | porta 5: Visita en il Gôt Miraculous
Flavia visita oz per l'emprima giada ils trais amis dal Gôt Miraculous. Tgi sa tgi ch'ella entaupa là? En il Gôt Miraculous va ella ussa dascus, cun allegria e grond schlantschg - fai adatg...6 min
Chalender d'advent | porta 4: Di tap tap tap tap tip e tap
Di tap tap tap tap tip e tap…5 min
Chalender d'advent | porta 3: Advent per pitschen e grond
Dari daridam, daridaridam ussa è advent per pitschen e grond… Tuts s'allegran sin ils biscuits, ils regals e las bellas sairas da cumpagnia. Lain gist chantar ina chanzun che va a prà cun il temp d'advent.6 min
Chalender d'advent | porta 2: Las chandailas
Bel che ti es oz er da la partida. Has ti gia avert la segunda porta da tes chalender d'advent e sas anc, co che la chanzun 1,2,3 tunava? Lain chantar ensemen la chanzun ed er emprender ina nova davart las chandailas. Betg mo il chalender e las chanzuns accumpognan nus tras l'advent, mabain er il tschupè u in cranz d'advent e la glisch da las chandailas. Bun divertiment cun questa porta.7 min
Chalender d'advent | porta 1: Lain chantar ensemen
Chau ensemen. Nus lessan chantar cun tai, cun vus, cun tuttas e tuts che guardan e taidlan il chalender d'advent da RTR.6 min
Chalender d'advent da RTR per ils pitschens
Co fissi cun in chalender d'advent audiovisual per il temp d'advent? Charas manadras da scolina, chars manaders da canortas, charas e chars scolasts2 min
