Gôt Miraculous
Festa da cumgea - surmiran
La feglia colurada sgola tras l’aria e sa platga sin la terra. L’atun è uss definitivamain arrivà! Entirs tarpuns da feglia cuvran il «Gôt Miraculous» ed ils animals han in plaschairun da quests tarpuns grondius. Ils dus amis Lina Lieur e Not la Vulp siglian plain daletg en ils munts da feglia e givlan dal plaschair. Ma Tschuetta Rut sesa daspera sut il Pign Grond e para dad esser in zic trista. Pertge be?6 min
Rischmelnas gustusas - puter
L’atun è qua! Ed ils animals dal «Gôt Miraculous» han in plaschairun da tut las bunas chaussas da magliar ch’èn uss madiras: nuschs, tschareschas, froslas ed anc bler auter pli. Uschia na fai betg surstar che Mauro Urs maglia il venter pli che plain! Era ils trais amis èn s’entupads sut il Pign Grond e Not la Vulp remartgescha che era il venter da Lina Lieur è daventà pulit grond. Tgi sa cun tge buntads che Lina Lieur ha emplenì ses venter?6 min
Il til da rumien - sursilvan
Ils animals dal «Gôt Miraculous» giaudan anc ils davos dis chauds e suleglivs, avant ch’ils mais vegnan adina pli fraids. Rina Rangla fa il bogn en il puz e Mita Tschitta, Tilla Chüralla e Paula Pula stgaudan lur alas sin in crap bel chaud. Er ils umans vegnan gugent en il guaud per grillar l’ultima giada liongias e verdura avant che la naiv vegn. Tschuetta Rut e Lina Lieur èn s’entupadas sut il Pign Grond e spetgan a Not la Vulp. Suenter in mument cumpara in Not tut malcuntent. Tge è be capità?8 min
L’arsa - vallader
Las plantas da fegla èn sa coluradas en in cotschen profund u mellen traglischant. Era ils lareschs han survegnì ina bellezza colur dad aur e sa preschentan en tutta pumpa tranter ils pigns verds dal «Gôt Miraculous». Ils trais amis Not la Vulp, Tschuetta Rut e Lina Lieur èn s’entupads sut il Pign Grond e giaudan il sulegl. Dapli emnas èsi bel chaud. Tuttenina sgola però natiers Gianna Giazla ed alarmescha ils animals ch’il «Gôt da Lareschs» brischia. La populaziun giu en il vitg n’è betg infurmada – ma co alarmar ils umans davart l’incendi?6 min
Igls detectivs - sutsilvan
Ils animals dal guaud èn occupads cun las preparaziuns per ils mais pli fraids: las mieurs pulstreschan lur gnieus cun mistgel ed ils utschels migrants sa preparan per lur lung viadi al sid. Sco mintga damaun èn ils trais amis er oz s’entupads sut il Pign Grond ed observan las preparativas dals animals. Tuttenina vegn però natiers Sascha Stgirat e raquinta tut desperà ch’il nitscholer na porta betg pli nitscholas. Tgi sa, nua che quellas èn svanidas?9 min
Il portafortüna - puter
Las violas ed anemonas flureschan sin ils prads dal «Gôt Miraculous». Ils trais amis Tschuetta Rut, Not la Vulp e Tschuetta Rut giaudan las temperaturas pli chaudas sut il Pign Grond. Ma tuttenina audan els in grond suspir – quel da Catarinetta, il bau da Nossadunna. Ella lascha pender la testa e para trista.7 min
La safari - surmiran
Dina Randulina, Romina Ronsla e Mariella Hirundella èn finalmain turnadas da lur lung viadi en l’Africa. Tut fascinadas raquintan ellas als animals dal «Gôt Miraculous», tge ch’ellas han vis sin il continent lontan. Ma tuttenina para Tschuetta Rut tut trista e consternada. Tgi sa be pertge?6 min
La canera da prümavaira - vallader
En l’episoda valladra «La canera da prümavaira» giaudan ils trais amis dal guaud la primavaira e sa legran da vesair puspè tut ils animals che han fatg in sien d’enviern. Uschia han els sa pudì barattar cun Mauro Urs ch’è vegnì or da sia tauna sco era cun Rina Rana ch’è rampignada or dal puz. Mo ad insatgi n’han ils amis betg vis enfin uss: a Moreno Marmotta. Tgi sa, nua che Moreno Marmotta è …6 min
Igl vearm vilo - sutsilvan
Cun la primavaira èn era Paula Pula, Mita Tschitta e Tilla Chüralla sa dasdadas e sgolan plain energia tras l’aria. Ma la vusch furiusa dal Verm Vincent destruescha la quietezza. Er el sgulass uschè gugent tras l’aria ... Tgi sa, sch’ils trais amis Lina Lieur, Not la Gulp e Tschuetta Rut han in’idea per pussibilitar a Verm Vincent il giavisch da sgular?9 min
La casa gaglia - sursilvan
La primavaira è arrivada! E cun ella s’emplenescha era puspè il «Gôt Miraculous» cun vita. Ils trais amis Tschuetta Rut, Not la Vulp e Lina Lieur s’èn entupads avant il Pign Grond ed observan cuntents lur guaud. Ma in schem da Mila Glimaia interrumpa lur patratgs ventiraivels. Tge pomai è be cun Mila Glimaia?7 min
La daspeta par las flurs - sutsilvan
Flurs grondas e pitschnas, satiglias e grossas creschan sin il pro dasper il Pign Grond. Ils trais amis Tschuetta Rut, Not la Vulp e Lina Lieur èn is’nscuntrads ed admiran las flurs che s’avran la bun’ura baud. Quant bain che quellas savuran! Er sche Tschuetta Rut è nunditg stancla da la notg passada, na vul ella anc betg ir a durmir. Ella vul restar dasdada e guardar quella ritgezza da colurs da tut quellas bellas flurs. Ma quella quietezza da la bun’ura na dura betg uschia ditg – apaina che ils splerins ed ils avieuls sa dasdan, han els dispita ... Tge donn per la pasch da la bun’ura! Forsa che ils trais amis èn buns dad intermediar en quella dispita per las flurs? Text: Dominique Caglia Dosch / Realisaziun: Marionna Lombriser e Madlaina Niggli8 min
L'auditur zuppà - vallader
Ils animals giaudan la cumpagnia durant las sairas amablas da stad. Er Not la Vulp, Lina Lieur e Tschuetta Rut èn sa radunads cun tut ils auters animals davant il Pign Grond per tadlar las istorgias da Mauro Urs. Però oz, sco ch’i para, na vul el betg raquintar in’istorgia. El bruncla da quai malcuntent e chatscha davent a tuts. Tge è mo capità che Mauro Urs ha nauscha luna? Text: Dominique Caglia Dosch / Realisaziun: Marionna Lombriser e Madlaina Niggli5 min
Battasendas - surmiran
Oz sa chattan ils trais amis Lina Lieur, Not la Vulp e Rut Tschuetta en il «Gôt Miraculous» sut il Pign Grond. Il «Gôt Miraculous» è plain vita. Ils animals dal guaud van trottond tras las plantas. Ma betg mo els. Er ils uffants da la vischnanca vegnan gugent en il guaud sin la plazza da gieu. Uschia han ils trais amis Not la Vulp, Lina Lieur e Tschuetta Rut da chattar buns zops, nua che els sa pon zuppar senza vegnir vesids dals uffants. Quai è numnadamain ina speziala sort d’uffants: battasendas. Text: Dominique Caglia Dosch / Realisaziun: Marionna Lombriser e Madlaina Niggli6 min
Nuot inamuro - puter
Entamez il guaud «Gôt Miraculous» sa scuntran ils amis Lina Lieur, Not la Vulp e Tschuetta Rut sut il Pign Grond e guardan, co che ils auters animals vegnan e van. Ma Not la Vulp na para betg propi dad esser tar la chaussa. Tgi sa, nua che Not vegn ad esser culs patratgs? Forsa che ina vulp femella è responsabla per la distracziun da Not? Text: Dominique Caglia Dosch / Realisaziun: Marionna Lombriser e Madlaina Niggli6 min
Sien disturbada - sursilvan
Ils trais amis Tschuetta Rut, Not la Vulp e Lina Lieur sa chattan la saira davant il Pign Grond e taidlan il concert dals utschels. Not la Vulp e Lina Lieur han in detg plaschair e giaudan il chant - ma Tschuetta Rut fa si ina tschera da prender e fugir. Tgi sa be, tge che è capità cun Tschuetta Rut? Forsa ch’ella n’ha betg durmì bain ed avunda? Text: Dominique Caglia Dosch / Realisaziun: Marionna Lombriser e Madlaina Niggli7 min
Vatta da zücher - vallader
En l’ultima episoda da las istorginas or dal «Gôt Miraculous» n’è Lina Lieur betg dal tuttafatg cuntenta. L’episoda «Vatta da zücher» raquinta da las quaidas da Lina Lieur – betg ch’ella avess da patir fom, ma ad ella mancan ils bulieus u la pumaraida ch’èn da chattar la stad en il «Gôt Miraculous». Tge cletg che Tschuetta Rut ha bunas colliaziuns cun Rinaldo Rat. El ha numnadamain en ses tschaler in bun sirup d’«Ampchampua». Text: Dominique Dosch / realisaziun: RTR, Madlaina Niggli9 min
Igl conzert - sutsilvan
Er oz sa chattan ils trais amis Lina Lieur, Not la Vulp e Rut Tschuetta en il «Gôt Miraculous» sut il Pign Grond. Tut è alv e cunzunt silenzius. Nunditg silenzius, qua n’aud’ins betg in tun - ni tschiervs che berglan, ni cucus che chantan. Ils animals paran d’esser svanids ed ils trais amis èn stanchels e malcuntents. Forsa che Not la Vulp ha ina bun’idea co ch’ins pudess purtar in zic vita en il guaud tut silenzius? La resposta dat l’episoda «Igl conzert». Text: Dominique Dosch / realisaziun: RTR, Madlaina Niggli9 min
Il retuorn dallas colurs - sursilvan
En «Il retuorn dallas colurs» sa lamenta Lina Lieur ch’ella è daventada uschia pallida: ses pail, ch’è la stad uschè bel brin, è daventà alv sco la naiv. Uschia u uschia è tut fitg trist senza las colurs da las bellas flurs e las colurs da Mita Tschitta, Paula Pula e Tilla Chüralla. Ma Tschuetta Rut ha in’idea sco ch’ella pudess purtar in zic colur en il «Gôt Miraculous». Text: Dominique Dosch / realisaziun: RTR, Madlaina Niggli8 min
La fradulainta - puter
Ils trais amis Lina Lieur, Not la Vulp e Tschuetta Rut sa scuntran er oz puspè tar il Pign Grond entamez il «Gôt Miraculous». En l’episoda «La fradulainta» fan la naiv ed il fraid fastidi als trais cumpogns, oravant tut Tschuetta Rut patescha il fraid. Tge fortuna ch’ella ha uschè buns amis sco Lina Lieur e Not la Vulp che han ina surpraisa chauda per ella. Text: Dominique Dosch / realisaziun: RTR, Madlaina Niggli6 min
Igl gôt banduno - surmiran
Entamez il guaud «Gôt Miraculous» sa scuntran ils amis Lina Lieur, Not la Vulp e Tschuetta Rut tar la plazza da gieu ch’è l’enviern tut bandunada. La naiv ed il fraid fan fastidi als trais cumpogns. Tge fortuna ch’els han l’in l’auter e che mintgin e mintgina fa gugent surpraisas – lungurus n’han els uschia segir betg. Text: Dominique Dosch / realisaziun: RTR, Madlaina Niggli5 min
