Ir al cuntegn
Play RTR

Late Lounge

Late Lounge è ina show musicala en chasa RTR, nua che musicistas e musicists rumantschs s'inscuntran cun il public. L'emissiun è in mix tranter concert e discurs persunals cun las musicistas ed ils musicists. //Die Musik-Show ist ein Mix aus Konzerten und Gesprächen mit rätoromanischen MusikerInnen.

Musica da Nadal po esser ruassaivla e gugent era ina giada in zic kitschic. Ma ina festa da Nadal sa era tunar tut auter – cun esser dad aut e dal tuttafatg betg kitschic! Quai demussa la 12avla ediziun da la Late Lounge. Cun ils osps Cantus Avis, Fiona Fiasco, Gino Carigiet, Sarah Mark e Dario Hess. Els èn vegnids accumpagnads da la Late Lounge Band che consista da Rolf Caflisch (battaria), Rees Coray (bass), Clau Maissen (saxofon) e Raphael Schneider (ghitarra).
69 min
En la dieschavla emissiun da la Late Lounge essan nus sa deditgads al Hip Hop. Per quai avain envidà trais acts da la scena dal rap grischun. La rappadra Gigi, che fa per il mument furora en la scena dal rap svizzer, ed ils dus rappers rumantschs Giganto e Sirius. Ensemen han els furmà l’emissiun e raquintà durant las intervistas da lur experientschas. Els èn vegnids accumpagnads da nossa Late Lounge Band cun Andi Schnoz (ghitarra), Rolf Caflisch (drums), Rees Coray (bass), Sören Dokter (keyboard) e Flavia Capello (vusch).
61 min
En il chantun Grischun han lieu mintga stad passa 20 festivals da musica. Perquai vulain nus dar per vus en la Late Lounge ina prevista sin la stad musicala 2023. Sco Head Liner en la Late Lounge Festivals sa preschenta «No Future» da Glion. Els fan Ska Punk e procuran cun lur sound per buna luna ed animeschan da sautar e far party. Musica sco fatga per il palc dals festivals.
51 min
Quatter giuvnas vuschs femininas dal Grischun sa preschentan live en la Late Lounge Voices. Chiara Jacomet, il duo Anatina ed ANIKK chantan en accumpagnament da la Late Lounge Band lur chanzuns en in nov vestgì.
61 min
En la settavla episoda da la Late Lounge sa metta la ghitarra electrica en il center.
51 min
L’ultima episoda dal 2022 da la «Late Lounge Live» è sut l’ensaina da Nadal ed Advent. Ensemen cun la LLL Band - la gruppa da chasa da la Late Lounge Live sunan diversas artistas ed artists indigens bain inqual classicher da Nadal. Noss osps musicals èn: Martina Hug, Sara-Bigna Janett, Marco Todisco, Andrin Berchtold (From Kid), Cinzia Regensburger e Tamino Weggler (NOXX) La LLL Band: Rolf Caflisch (Drums), Clau Maissen (Saxofon), Rees Coray (Bass) e Claude Diallo (Piano) Registraziun: Lounge RTR, 16-12-2022 Tun: Gioni Alig Reschia: Conrad Schlosser Producent: Flavio Tuor
68 min
La giuvna chantautura Paula Mia da Glion amez il studi da musica a la ZhdK ed il musicist multifar e globtrotter Tumasch è – Quai è ina cumbinaziun explosiva ed exclusiva per la proxima ediziun da la «Late Lounge Live». Durant l’emissiun preschentan els il 49avel Top Pop Rumantsch «Enzatgei bi» – Ina premiera mundiala.
74 min
Per la quarta emissiun da la Late Lounge Live giain en l’Engiadina e visitain Gianni Tschenett. Il giuven chantautur ha ils 30 da settember visità la Lounge e sunà insaquantas da sias chanzuns e discurrì cun noss moderatur Elias Tsoutsaios davart sia anc giuvna carriera musicala e siemis e plans per il futur.
75 min
La «Late Lounge Live» è in’emissiun crossmediala che dat ina plattafurma a chantaduras e musicists rumantschs per manar lur musica ora en l’entira Svizra. En la Lounge da RTR pon ils acts rumantschs preschentar sasez e lur musica live avant in public exclusiv limità. Igl è in mix tranter concert, intervista e discurs. Il terz osp è il chantautur da Trun Mattiu. Durant bun in’ura suna el chanzuns veglias e novas ensemen cun sia band. En in discurs cun il moderatur Elias Tsoutsaios raquinta el da sia carriera musicala e respunda era insaquantas dumondas dal public. Dapli tar la «Late Lounge Live» chattais era sin www.rtr.ch/lll
75 min
La «Late Lounge Live» è in’emissiun crossmediala. Ella dat ina plattafurma a chantaduras e musicists rumantschs e lur musica. En la Lounge da RTR pon ils acts rumantschs preschentar sasez e lur musica live avant in public exclusiv e limità. Igl è in mix tranter concert, discurs e curtas contribuziuns. Per la segunda emissiun prenda Ursina Giger plaz en nossa nova stiva. Durant bun in’ura pudais giudair sia musica e vegnis a savair bain inquala chaussa da sia carriera. Co per exempel funcziuna quai sche omadus geniturs èn musicists? Tge muntada ha la lavur en curtin per ella? Tge relaziun ha ella cun Kopenhagen? Sin quellas ed anc bler dapli dumondas dat ella resposta en noss’emissiun cun Elias Tsoutsaios.
92 min
La «Late Lounge Live» è in’emissiun crossmediala che dat ina plattafurma a chantaduras e musicists rumantschs per manar lur musica ora en l’entira Svizra. En la Lounge da RTR pon ils acts rumantschs preschentar sasez e lur musica live avant in public exclusiv limità. Igl è in mix tranter concert, intervista e discurs. L’emprim osp è il Tuatschin Pascal Gamboni. Durant bun in’ura suna el chanzuns da ses vast repertori. Chanzuns da sias entschattas cun bands sco «Psychotronics», «Easy Walkers» ni era ils «Passiunai», tar ils hits da sia carriera da solo fin tar chanzuns resch novas da ses album actual. En in discurs cun il moderatur Elias Tsoutsaios raquinta el da sia carriera musicala e respunda era insaquantas dumondas dal public. Dapli tar la «Late Lounge Live» chattais era sin www.rtr.ch/lll
68 min
ConfiguraziunsAgidContact e propostaPodcastServetschs Dretgs
SRG SSRRTR Radiotelevisiun Svizra Rumantscha, succursala da la Societad svizra da radio e televisiun
SRFRSIRTSSWIPlay Suisse