Ir al cuntegn
Play RTR
  • Emissiuns
  • Live
  • Program TV

L'ultim Rumantsch 2

La seria rumantscha «L'ultim rumantsch» cuntinuescha e cun ella era las dispitas da la famiglia Durisch che maina ina chasa da medias en il Grischun.

L'ultim Rumantsch 2: Pastiziers
L'ultim Rumantsch​

L'ultim Rumantsch 2: Pastiziers (Stafla 2, Episoda 1)

Ils problems finanzials da las Medias Grischunas mettan Gion sut squitsch. Ma vender la chasa da medias na vegn betg en dumonda per el. Andrietta fa quitads, ella vul pudair cundecider dapli, i va la finala per l’image da la famiglia. Cun sia nova gasetta «L’ultim Rumantsch» scuvra Ladina istorgias da famiglia sombras en tut il chantun. Cura che vegn en il visier da Ladina era la possessura d’hotel Bonifazi, sajetta quella enavos. L’emprim duai la famiglia Durisch far urden en l’agen tschaler, avant che ir vi dal sieu. I va per GP Durisch – il patrun e fundatur da las Medias Grischunas ch’è mort.
32 min
L'ultim Rumantsch 2: Grounding
L'ultim Rumantsch​

L'ultim Rumantsch 2: Grounding (Stafla 2, Episoda 2)

Las maschinas da stampar van en paglia pervi da mancanza da mantegniment ed il persunal da las Medias Grischunas rebellescha. Gion bagatellisescha tut e fugia en in’affera cun ina collavuratura da la concurrenza. Andrietta emprova da salvar l’image da las Medias Grischunas e prepara ina gronda exposiziun davart GP Durisch. Ladina però sa metta cunter sia redacziun e va a la tschertga da las baras en il tschaler da la famiglia. Clandestinamain engascha ella ses anteriur schefredactur ed ex-lover Corsin da retschertgar l’istorgia.
30 min
L'ultim Rumantsch 2: Leger tranter las lingias
L'ultim Rumantsch​

L'ultim Rumantsch 2: Leger tranter las lingias (Stafla 2, Episoda 3)

Cura che Andrietta envida da Nadal la famiglia, sa mussan dirs conflicts. Entant che Andrietta emprova da mantegnair la pasch en chasa, s’occupa Gion da sia affera. Andrietta è irritada da ses regal e Ladina chatta ina brev misteriusa en tschaler – in fastiz che maina ella a Genua.
32 min
L'ultim Rumantsch 2: Dolce segreto
L'ultim Rumantsch​

L'ultim Rumantsch 2: Dolce segreto (Stafla 2, Episoda 4)

Ladina e Corsin suondan ils fastizs a Genua e chattan il toc che manca. Entant organisescha Andrietta in event d’investurs per survegnir novs daners per las Medias Grischunas. Gion ha dentant gia fatg memia bler donn, l’eveniment finescha en in fiasco. Cura che Ladina confrunta Andrietta e Gion cun sia scuverta, sballuna tut.
35 min
L'ultim Rumantsch 2: Famiglia
L'ultim Rumantsch​

L'ultim Rumantsch 2: Famiglia (Stafla 2, Episoda 5)

Nagut n’è sco quai ch’igl era ina giada. U forsa bain? Gion chatta sustegn tar ses figl e sa decida per l’emprima giada sapientivamain per la famiglia. Entant vala per Andrietta per l’emprima giada il persunal dapli che l’image da las Medas Grischunas. Era Ladina sto sa decider. Pussanza u vardad? Il maletg da famiglia sa cumpona da nov.
38 min
ConfiguraziunsAgidContact e propostaPodcastServetschs Dretgs
SRG SSRRTR Radiotelevisiun Svizra Rumantscha, succursala da la Societad svizra da radio e televisiun
SRFRSIRTSSWIPlay Suisse