Ir al cuntegn
Play RTR

Mes tattoo - mia istorgia

Amalia Grond ha laschà tetovar il pled «Jaura» sin ses bratsch sanester – sco segn dad attaschadadad cun la Val Müstair, quai malgrà ch'ella n'ha mai vivì là ed n'è betg creschida si rumantsch. Ses bab deriva dentant da la val ed entras el ha la giuvna emprendì l'idiom respectiv il dialect «Jauer». Oz discurra Amalia rumantsch fluentamain – e viva sapientivamain in'identitad sco «Jaura».
3 min
Renzo Hendry è viticultur e sin ses bratsch ha el eternisà il pled «Pinot Noir». I sa tracta da sia iva e vin preferì, ch'el producescha era sez. La professiun sco viticultur è per el dapli che mo ina lavur – Igl è ina passiun.
3 min
Sin la chomma da Tonja sautan dus animals en amur perpetna: in salip ed ina furmicla. Ses tattoo sa referescha a la chanzun rumantscha dals uffants «Salep e la furmicla» ch'è enconuschenta a blers uffants da pitschen ensi e ch'è gioga ina rolla gronda en la cultura rumantscha. L'idea ha ella gì durant in viadi en il Mexico. Là ha ella laschà eternisar il motiv – in mument ch'ella descriva sco magic fin oz.
4 min
Gion Mathias Cavelty n'ha quasi nagin plaz liber pli sin sia pel. Il scriptur rumantsch ha vulì daventar sez in «cudisch». Blers dals tattoos han ina colliaziun cun la religiun ubain era caracters litterars. La «armadira» da tattoos ha per el ina gronda muntada persunala.
3 min
Chiara Degonda ha eternisà ina bella memoria davart sia tatta sut la pel. Numnadamain «Per adina, tia tatta Dora». Sia tatta da 94 onns ha demenza e cun la demenza perdan ins era la savida sco scriver. Avant ch'ella perda quella savida cumplettamain, ha Chiara en l'ultim mument prendì la chaschun da laschar scriver la tatta il text ch'ha gronda muntada per Chiara.
3 min
Pierin Barenius, il giuven da 17 onns, na porta betg be ina sort art sut sia pel, mabain ina regurdientscha d’in mais dolurus. El ha numnadamain pers la mamma ed il tat entaifer curt temp. Per ses tattoo ha el cumbinà la scrittira da sia mamma cun ina part dal text d’ina chanzun da ses tat. In sguard sin ses bratsch mussa in viadi emoziunal tras l'amur, la perdita e la forza da la regurdientscha.
2 min
Per Nina Andreoli è la musica betg be ina passiun, mabain era ina punt vers l'olma. Sia clav-clavazin cun il pled «veta» raquinta l'istorgia d’in ami mort ch’ha gì la medema clav-clavazin. Dapi sia mort è la pel da Nina Andreoli daventà ina regurdientscha ch'ella porta adina cun sai.
3 min
Giulian Mirer exprima cun ses tattoo «sin luc» ina levezza giuvenila. La translaziun rumantscha dal pled giuvenil da l'onn tudestg «auf Lock» ornescha sia chomma e reflectescha sia tenuta patgifica davart la vita.
2 min
Jana Haltinner ha survivì in accident quasi mortal ch’ha midà sia vita per adina. Sin sia detta porta ella il messadi «Vita / gratta», in simbol da ses engraziament profund per mintga mument ch’ella po passentar di per di suenter l’accident avant plirs onns.
3 min
ConfiguraziunsAgidContact e propostaPodcastServetschs Dretgs
SRG SSRRTR Radiotelevisiun Svizra Rumantscha, succursala da la Societad svizra da radio e televisiun
SRFRSIRTSSWIPlay Suisse