Ir al cuntegn
Play RTR

Per pitschen e vegl...

Mit deutschen Untertiteln: Unsere Kindersendung Minisguard (auch für Erwachsene geeignet!)

Dapli da Minisguard
Senza dubi has ti er gia giugà cun ils tscheps da plastic da tuttas colurs. Ils Legos èn baingea in dals termagls ils pli enconuschents. Ma danunder vegnan quests termagls? E tgi ha inventà els? Il «Minisguard» s’occupa durant in’entira emissiun cun ils Legos. Uschia era la scola da Zernez che ha quest’emna gì l’emna da project cun il tema MINT. Tranter auter ha la 5 e 6avla classa experimentà e programmà cun LEGO Spike. Legos cun motors, e computerins integrads.
10 min
5 min
5 min
Senza dubi as ti er gia giugà cun ils tscheps da plastic da tuttas colurs. Ils legos èn baingea in dals termagls ils pli enconuschents. Ma danunder vegnan quests termagls? E tgi ha inventà els?
5 min
Mintg'onn tranter favrer ed avrigl bittan tschiervs e chavriels giu lur corna. Cun in zic cletg chatt'ins ina u l'autra la primavaira en il guaud. E curt pli tard cumenza la nova corna gia a crescher. Circa 100 dis crescha ella ad in crescher fin ch'ella è pronta e dira sin l'atun. Co quai funcziuna e daco che la selvaschina fa quai, vegnis a savair qua.
3 min
Chattar ossa d’animals Quirin e ses amis da Schlans en Surselva fan gugent termagls en il guaud. Cun raiver enturn, far gieus da pigliar u ir en taunas chattan els adina puspè ossa dad animals. Sch’in plascha ad els, lura piglian els cun l’oss e mettan el tar lur pitschna collecziun. Ma adatg, simplamain ir a rimnar ossa na dastgan ins betg – i dat in pèr reglas, pertge che tut tenor èsi scumandà u po perfin esser privlus per la sanadad. Chattar corna Savevas che tschiervs u chavriels bittan giu mintg’onn tranter favrer ed avrigl lur corna? E fin il fanadur è la nova corna gia creschida suenter – savens anc pli gronda che l’onn avant. Ma pertge insumma? Els pudessan gea er simplamain laschar crescher adina vinavant la corna sco p. ex. las vatgas u ils capricorns. Il «Minisguard» declera co che quai cun la corna funcziuna.
10 min
4 min
2 min
4 min
Il «Minisguard» è stà sin visita. Questa giada en la scola da Donat en la Val Schons. Durant in’emna han las scolaras ed ils scolars fatg retschertgas, planisà in’emissiun e stads a filmar e tagliar.
12 min
En la Val Schons datti ina tradiziun da colurar ovs cotgs e ruclar quels d'ina plaunca giu. Tgi che vegn il pli lunsch senza che l'ov rumpa ha gudagnà.
3 min
La famiglia Nicca-Grischott ha sis giaglinas. Nus avain accumpagnà la via da la giaglina enfin en la frestgera.
2 min
Thomas Dolf ha mussà co ch'ins chatta cornas da selvaschina en il guaud.
2 min
Avant in onn ha la scola da Donat creà in trail da ligns. Per ch'il trail funcziuna vinavant sto quel vegnì tgirà.
2 min
Durant in'emna han las scolaras ed ils scolars da Donat realisà contribuziuns da televisiun ed en las medias socialas. Uschia èsi stà davos las culissas.
3 min
Per l’emna da project da Donat han ils uffants da l'emprima e segunda classa fotografà la primavaira.
3 min
Tgi che va cun skis sto dar in’egliada sin il privel da lavinas. E per pudair valitar lez sto l’Institut per la perscrutaziun da naiv e lavinas (SLF) far differentas mesiraziuns e quai di per di. Il «Minisguard» ha accumpagnà Chasper Buchli dal SLF sin l’areal da perscrutaziun en las muntognas da Tavau. Ed il cool – i na va betg be per guardar quanta naiv ch’igl ha dà e sche quella è loma u bletscha, mabain anc per in’entira massa autras chaussas. La circulaziun da l'aua Sin noss mund datti radund 1,4 trilliardas liters aua, la gronda part en furma d’aua da sal en las mars. Tut quest’aua fa part da la circulaziun d’aua. Grazia a la chalira dal sulegl è ella permanentamain en moviment e sa mida adina puspè da la furma liquida en vapur ed enavos. Ma tge capita precis?
10 min
2 min
6 min
3 min
ConfiguraziunsAgidContactPodcastServetschs Dretgs
SRG SSRRTR Radiotelevisiun Svizra Rumantscha, succursala da la Societad svizra da radio e televisiun
SRFRSIRTSSWIPlay Suisse