Ir al cuntegn
Play RTR

Voss 5 favurits da l'emna

Mesemna avevan ils 133 cardinals cumenzà il conclave e gia suenter 2 dis èni sa decidids. Il fim alv dal chamin da la chaplutta sixtina ha annunzià l'elecziun dal proxim pontifex a las 18:08. Suenter l'elecziun ha il cardinal Robert Francis Prevost acceptà l'elecziun.
1 min
La gruppa Furbaz è fin ussa l’unica band rumantscha che ha cuntanschì il final da l’Eurovision Song Contest. Avant 36 onns han ils Furbaz represchentà la Svizra a Losanna cun la chanzun «Viver senza tei». Malgrà ch’igl ha bastà mo per il 13avel plaz, ha questa preschentaziun dà in stausch enorm a lur carriera. Ils «Cuntrasts» recapituleschan l’istorgia dal success dals Furbaz. Per questa retrospectiva filmica han ils «Cuntrasts» visità dus commembers dals Furbaz: Marie Louise Werth, la chantadura e pianista da la gruppa, sco er Ursin Defuns, in dals chantadurs da background ch’è stà da la partida a partir dal cumenzament. Tge fan els oz e s’interesseschan els anc per l’Eurovision Song Contest? A maun d’intervistas e da material d’archiv vegn recapitulà il viadi che ha manà quella gruppa da la Surselva ils onns 1980 e 1990 al success naziunal ed internaziunal. La part principala da questa documentaziun deriva dal film «Giu bambin? – Il recept per il success dals Furbaz» (2009) da l’autura Carin Camathias.
26 min
Giast en l'emissiun «50:50» è Annik Kälin, heptatlonista da Grüsch.
51 min
L'emprima giada dapi 26 onns hai dà ina midada a la testa dal Plantahof: Suenter 26 onns è Peter Küchler ì en pensiun. Dapi il prim da favrer è l'agronom Pieder Vincenz directur.
3 min
L’avaina verda che cura tras la Surselva ha da cumbatter cun problems da sanadad. Il numer da peschs pigliads sa sminuescha onn per onn. Dapi l’onn 2003 vegn registrà e documentà las cifras da peschs pigliads en tut las auas grischunas. Questa statistica mussa ina digren considerabla e conferma quai che ils pestgaders raquintan schon dapi blers onns: i dat adina pli e pli paucs peschs en flums e lais grischuns. Daco è quai uschia? L’uffizi da chatscha e pestga ha incumbensà l’institut da perscrutaziun HYDRA dad intercurir il Rain Anteriur sin differents tschancuns tranter Sedrun e Glion. Quest film dals «Cuntrasts» ha accumpagnà la perscrutaziun dal cumenzament davent e mussa nua ch’il flum clutscha. Ils resultads avran novs aspects e fan urden cun speculaziuns. Ils fatgs scientifics duain dentant er esser in manual ed in guaffen che duai gidar al flum da guarir.
28 min
ConfiguraziunsAgidContactPodcastServetschs Dretgs
SRG SSRRTR Radiotelevisiun Svizra Rumantscha, succursala da la Societad svizra da radio e televisiun
SRFRSIRTSSWIPlay Suisse