Ir al cuntegn
Emissiuns
Live
Program TV
Tschertga
Tschertga
mussar tut
Serrar
Videos en trend
L’archivar recumonda
Ord l'archiv: Vacanzas tar in pur da muntogna
Passentar las vacanzas da stad sin in bain puril en Lumnezia. Quai fa ina dunna dal chantun Argovia cun ses figl gia dapi plirs onns tar ina famiglia purila en Lumnezia. Per 40 francs a di survegnan els albiert e dunsena a Vignogn. La visita da la Bassa gida da far fain e giauda la buna aria alpina durant la stad. La Televisiun Rumantscha ha accumpagnà la dunna e ses figl in di durant las vacanzas purilas en Lumnezia. Publitgai er Vossas fotografias, Voss videos e Voss raquints persunals sin nossaistorgia.ch #cunVus #alpulsdalistorgia
4 min
Minisguard
Minisguard dals 26.08.2023
Lavurar durant las vacanzas da stad. Las duas soras Lucia ed Anina han decidì da lavurar durant lur vacanzas da stad en in restaurant. Però mintgina en in auter lieu. Anina gida en cuschina e Lucia en il service. Nus avain visità ellas lur davos di da lavur – avant che la scola entschaiva puspè. Ils Gidieus ortodoxs – cultura e religiun. En grondas gruppas e vestgids en alv e nair, in zic ord moda, dattan ils Gidieus ortodoxs en egl durant lur vacanzas da stad en il Grischun. Il Minisguard dat in’invista en il mund dals Gidieus.
10 min
Cuntrasts
Il rapiment – Not Vital ed il pretsch da l’art
Not Vital è in dals pli enconuschents artists da la Svizra. El ha vivì e lavurà sin l’entir mund. Blers onns er en l’Africa: en il Niger, in dals pli paupers pajais dal mund. Quest temp è stà decisiv per sia carriera. Ma en la sumbriva dal success sa zuppa er ina vart tragica: Il matg 2012 è in stretg parent da Not Vital vegnì rapinà ad Agadez. 14 onns pli tard raquinta l’architect ed artist Nicolò Krättli per l’emprima giada publicamain envers RTR tge ch’è capità lezza giada. Sia istorgia è era l’istorgia da Not Vital – ed ella mussa l’ovra e l’operar da l’artist da success en ina nova glisch.
Quest video n'è betg disponibel en voss lieu.
Cuntrasts
Mes reginavel per ina chaura!
Danièle e Pascal Favre èn omadus oriundamain da Neuchâtel. Avant bundant 30 onns han els decidì dad ir en il Tessin ad allevar chauras. E quai fan els e lur gidanters cun gronda passiun. La televisiun RTS als ha accumpagnà durant l’ir ad alp ed er il mintgadi cun las chauras si en ils auts. Las chauras giaudan las bunas ervas alpinas, ma cunquai che in dad els dus sto star en la Bassa e mo in po ir ad alp ston Danièle e Pascal vegnir a frida cun ina separaziun pli lunga durant la stad.
26 min
Telesguard
Telesguard dals 26.10.2021
14 min
Cuntrasts
Il troubleshooter – La Festa federala da tir tranter tradiziun e digitalisaziun
«Jau hai lavurà tschients e tschients uras per questa Festa federala da tir – ed hai duvrà blera gnerva», di il schef dal tir Hubert Tomaschett. Il talent d’organisar occurrenzas da tir ha el dà vinavant a sia figlia Elena ch’è responsabla per il stan da sajettar da 10 meters. Per l’emprima giada insumma na datti nagin cudeschet cun ils resultats stampà – tut è digitalisà. Quai n'è dentant nagin problem per ils tiradurs da Santa Maria. Ils giuvens sa gidan cun ils pli vegls e viceversa. Malgrà tut la nova tecnica viva la tradiziun vinavant e carmala schizunt Svizras e Svizzers che vivan a l’exteriur. Tranter els Cecilia Decurtins, oriunda da Sumvitg, ch’è sgulada da Canada en Svizra aposta per la Festa federala da tir.
25 min
Clic
Club d'armas – ina scena malchapida?
Armas fascineschan, polariseschan e sveglian dumondas. En il chantun Grischun èn registradas passa 62'000 armas. Ma tgi èn las persunas che possedan pistolas e buis, e tge fascinescha ellas vi da quellas? En quest clic accumpogna Flavio persunas da la scena chantunala d'armas, visita in club da pistolas ed ina uniun da tir dinamic. Parallel emprova el, quant simpel ch'igl è, da sez survegnir ina Glock 19.
25 min
Configuraziuns
Agid
Contact e proposta
Podcast
Servetschs
Dretgs
Adattar protecziun da datas
RTR Radiotelevisiun Svizra Rumantscha, succursala da la Societad svizra da radio e televisiun
SRF
RSI
RTS
SWI
Play Suisse
