Has ti forsa gia udì co ina marmotta tschivla? Vuls ti era savair, sco ina marmotta abita? Ina tut speziala marmotta è Piotta. Ella e ses amis han gia gì differentas aventuras en las muntognas.
Piotta malegia in purtret da ses amis. Ma esser creativs fa natiralmain fom. Lino ha l’idea d’empustar pizzas per tuts. Uschia telefonescha Lino ed emposta quellas. Curt suenter arriva Nante, il postin, cun tut las pizzas. Ma Nante manischescha uschè svelt cun ses velo, ch’el croda gist en il maletg.