Emissiuns
Cuntrasts
Novissims videos
«Mia vita, mes mintgadi – viver cun impediment»
Per Emanuel Nay èn ses mauns ses instruments da lavur ils pli impurtants: «Cun mes mauns intermediesch jau savida ed jau sun fitg, fitg motivà da far quai», di il magister senza udida ch’instruescha a Turitg scolaras e scolars senz’udida. Tanja Zentriegen da Cuira ha in mintgadi tut different. Ella è avisada dapi 18 onns sin la sutga cun rodas. Grazia al sustegn da ses chaun d’assistenza «Bond» sa ella dentant tuttina viver da moda autonoma. En ils «Cuntrasts» dattan Tanja Zentriegen ed Emanuel Nay invista – en lur vita, lur mintgadi e co ch’igl è a viver cun in impediment. Ils ulteriurs trais purtrets da la seria «Mia vita, mes mintgadi – viver cun impediment», quels da Cilgia Nuotclà, Pascal Leinenbach e Matteo De Pedrini chattais Vus sin www.rtr.ch.27 min
in di sco tut ils auters – 24 uras en l’ARGO
Ils 10 da schaner è stà in di sco tut ils auters en l’ARGO a Cuira. En il lavuratori ha Pieder pachetà spaletschaders en stgatlas da chartun. Gabriel ha emprendì en la scola per emprender d’abitar e far il co lavar il palantschieu e Theresina ha zambregià en l’atelier dals pensiunads ina mascarada. Da la damaun baud enfin la saira tard han ils «Cuntrasts» documentà quest mintgadi.27 min
Ils Vincenzs dal Eastwood Lake
Patricia e Noldi Vincenz han ristgà il sigl en l’aua fraida ed èn emigrads. Questa aventura ha manà il pèrin frestg maridà vi sur mar en il Canada, sco ch’els din anc oz, senza avair gì in grond plan. Da lezzas uras han els pachetà lur set chaussas ed èn simplamain ids. Enstagl da cumenzar en il job fixà sco informaticher, è Noldi daventà in allrounder da construcziun. Enstagl da planisar mintga detagl ed ir ina via segira, han els cumprà ina ranch ed avert in restaurant. Ed els han fundà ina famiglia, er quai n’era insumma betg planisà uschia. Oz èn passads 22 onns, ils Vincenzs vivan sin lur ranch a l’Eastwood Lake e lur mintgadi è anc adina in zic in’aventura.24 min
Corsin Tuor – dirigent cun corp ed olma
Cun 16 onns ha Corsin Tuor dastgà diriger l’emprima gia in marsch tar la Societad da musica Trun. Suenter in pèr tacts perda el la survista. Questa emprima emprova na tementa betg il giuven Corsin. Pauc pli tard fundescha el il Quartet instrumental da Trun ed in pèr onns pli tard il Cerchel musical da la Surselva. Oz è Corsin Tuor in dirigent renconuschì en la scena da brass naziunala ed internaziunala. El è schef-dirigent da la Bayerische Brass Band Akademie ch’è dapi onns campiun da la Germania. Medemamain è el dirigent dad ina da las pli excellentas bands austriacas e dapi 11 onns dirigia el la Brass Band Berner Oberland (BBO), ina da las pli capablas brass bands da la Svizra tudestga. Il film da «Cuntrasts» raquinta da la passiun da Corsin Tuor ed accumpogna el e la BBO a lur ultima concurrenza svizra da brass communabla a Montreux, nua che lur speranzas na sa cumpleneschan betg dal tut. In film da Bertilla Giossi26 min
Art en dus – Flurina Badel e Jérémie Sarbach
Per blers saja quai in siemi, di Flurina Badel, e blers hajan l’impressiun, che quai saja l’amur ideala, sch’ins viva ensemen e lavura ensemen. E quai fan Flurina Badel e Jérémie Sarbach. Ensemen èn els il duo Badel/Sarbach, ensemen fan els art. Ensemen han els in uffant ed ensemen vivan els a Guarda. Co che quai è, quella vita en dus, quai mussa il film «Art en dus – Badel/Sarbach». L’autur Casper Nicca ha accumpagnà Flurina Badel e Jérémie Sarbach durant in onn, durant l’onn ch’els han creà in’ovra per l’exposiziun da «land art – Art Safiental». Il musicist da musica electronica Silvan Nicca, ha stgaffì la musica per il film cun nizzegiar tuns originals dal film. Il film è uschia ina collascha audiovisuala, che suonda als artists da Guarda a Berlin, da Telfs enfin a Tenna en Stussavgia e guarda davos la fatschada da la vita d’artists da Flurina Badel e Jérémie Sarbach.26 min
«SUENTER LA PLIEVGIA VEGN IL SULEGL» – In omagi a mia tatta
«Na sun jau betg tut spalada?», dumonda Johanna Petschen-Cathomas avant mintga filmada. Esser rugalada bain, sco ella di, saja impurtant – era uss cun 102 onns. Per il film da «Cuntrasts» ha Paula Nay accumpagnà sia tatta durant plirs mais cun la camera. «Jau sun cuntenta cun mia vita e na poss betg chapir, ch’jau sun vegnida uschè veglia». In recept per la cuntentientscha n’ha Johanna betg, dentant: Ella ha realisà quai ch’ella ha vulì – sulet maridar na vuleva ella mai. «Jau n’hai betg gì be rosas en mia vita, sun dentant adina stada persvadida che suenter mintga plievgia vegn il sulegl».25 min
Atmosfera d’advent e da Nadal cun pop, chansons, rap e swing
Cun il fraid e stgir dal december crescha il desideri da chaud e confiert. Perquai ha il moderatur Elias Tsoutsaios envidà ina retscha da chantaduras e chantadurs da preschentar lur chanzun preferida d’advent e Nadal. L’occurrenza ha lieu live cun public en la Lounge da RTR. Ils «Cuntrasts» preschentan ina schelta da quest livestream.25 min
Ladina – tranter passiun, pazienza e perseveranza
Dad ina vart la pazienta segnada da sia malsogna, ch’è gia dapi trais onns vi da la dialisa ed en tschertga d’in nov gnirunchel. Da tschella vart la chatschadra be fieu e flomma, che sto spustar dentant onn per onn in da ses pli gronds giavischs: ir numnadamain per l’emprima giada insumma a chatscha da capricorns. Caracteristicas ed extrems che defineschan la medema persuna. Ils «Cuntrasts» cun in’istorgia che va en il vair senn dal pled sut la pel. In onn intensiv ensemen cun Ladina Näff da Ramosch e noss redactur Dario Müller en tschertga betg mo d’in nov gnirunchel.27 min
guardond enavant – guardar enavos
Radiotelevisiun Svizra Rumantscha RTR sa dumonda co ch’il Grischun guarda or en 100 onns.27 min
«Fascinaziun taunas» – cun Pepino e Rafael en il mund sutteran
Stgir, fustg e stretg – quai è il mund dals dus speleologs da hobi, Rafael Maissen e Pepino Lozza. Suenter lur lavur sco mazler e mainaproject, perscruteschan els il mund sutteran en la Cadi. Dapi l’onn 2018 exploreschan els lur sistem da grottas e sfendaglias ch’els engrondeschan di per di. Tradir nua che quel è, gliez na vulan els betg. Els mainan noss redactur Flavio Deflorin profund en la terra e mussan ad el, tge che fascinescha els propi, tge ristgs ch’i dat e tge plans ch’els han anc per il futur. En il mund sutteran chattan els lur fascinaziun per cuvels e grottas.24 min
Svanida – nua è Luzia Lutz?
Ina chara persuna svanescha e resta nunchattabla. Ina situaziun inimaginabla! E tuttina, persunas svaneschan e na turnan mai pli.24 min
Rita Christen – l'emprima presidenta dals guids da muntogna svizzers
Rita Christen è in’excepziun. Ella è ina da las paucas dunnas guidas da muntogna. En Svizra èn quai mo gist 40, mo 2.5% dals guids svizzers èn dunnas. E lura quai: Avant dus onns elegia la Federaziun svizra dals guids da muntogna ina dunna sco lur presidenta, Rita Christen da Mustér. Sia elecziun ha procurà per massa reacziuns en las medias, tuttas unanimamain positivas. Il film dals «Cuntrasts» dat in’invista en sia lavur da presidenta, el mussa dentant era la guida Rita Christen en ses ravugl famigliar e durant sia disciplina preferida, il raiver. Nus emprendain ad enconuscher ina dunna plain vita, cun ina gronda passiun per ils culms, cun ina energia nunstanclentaivla e nus accumpagnain ella sin la ruta da raiver «Schildkrötengrat».26 min
…ed i curran tuttina – in di a las cursas da chavals da Maiavilla
La notg sin ils dus d’october ha er Duri Casty da Zuoz telefonà a Maiavilla per savair, sche las cursas hajan propi lieu. Ruedi Niederer, il president dal comité d’organisaziun, era gia las tschintg a bun’ura en chomma per examinar sez il terren. Il levgiament è vegnì pir durant l’avantmezdi: La cumissiun naziunala dat liber la pista da cursas al Rossriet e per la 65avla giada pon galoppar ils chavals da cursa a Maiavilla. Ina tschinquantina dad els ha mussà cun lur chavaltgaders e chavaltgadras en nov cursas sport da prestaziun a 4'000 aspectaturas ed aspectaturs . Ils «Cuntrasts» èn stads da la partida durant l’entir di. Da l’intschertezza la notg fin a l’undrientscha dals victurs – e tranter quels era er Duri Casty cun ses schimmel «Fou de Rève».27 min
L’ultima speranza – la golia Seraina Friedli
L’Engiadina n’è betg gist il lieu ideal per cumenzar ina carriera da ballape. Malgrà che las pussaivladads da trenar èn mediocras, n’ha Seraina Friedli betg laschà starmentar. «Jau hai stuì cumbatter per mia carriera e quella qualitad ha manà mai schizunt en l’equipa naziunala svizra», di la golia da 29 onns. Ils «Cuntrasts» han accumpagnà ella durant plirs mais – da la fadia cun blessuras e las stentas da chattar in nov club, tar la rolla sco golia da reserva fin tar il kick da pudair esser l’ultima speranza da l’equipa.26 min
L’invasiun da la Bassa
In film da Gieri Venzin26 min
Neglas, pitgs e stailas – per crusch e travers il retgamar
Sch’igl è surcusì u retgamà en cotschen, sin glin alv, cun stailas u neglas – lura è il facit cler: Qua sa tracti dad insatge tipic grischun, da pitg da crusch. Uschè tipic grischun n’è il pitg da crusch dentant betg. Anzi, el è intercultural ed internaziunal. Quai mussa l’exposiziun actuala dal Museum d’art grischun. E gea, museum d’art e retgamar sa cunfan, uschè bain sco pitg da crusch e neglas. Retgamar n’è betg be quella lungurusa istorgia en scola da cuser, ma ina pussaivladad da crear art, meditar e perfin far protest politic. Ils «Cuntrasts» van per crusch e travers il retgamar, respundan a la dumonda cardinala, quant bel che la vart davos dal pitg da crusch duai esser e tematisescha cun in dals curaturs da l’exposiziun, il directur artistic dal museum Stephan Kunz, sche er surprender mails da granat, neglas e liuns sin retgams grischuns saja perfin appropriaziun culturala.25 min
Da Mustér a Müstair – in’aventura a travers il Grischun (2. part)
Ir a pe da la damaun baud fin la saira tard e perfin durant la notg, durmir sut tschiel stailì, en chamonas ubain en tenda. Visitar lieus enconuschents, scuvrir perlas zuppadas dal Grischun e pudair far ina scursanida tras in tunnel ch’è uschiglio scumandà per peduns. Accumpagnads da las pli differentas persunas, tranter auter da la moderatura da SRF Oceana Galmarini e dal moderatur Nik Harmann. Ed els han cuschinà savens risotto e perfin fatg café sisum il Piz Beverin.28 min
Da Mustér a Müstair – in’aventura a travers il Grischun. Part 1
Ir a pe da la damaun baud fin la saira tard e perfin durant la notg, durmir sut tschiel stailì, en chamonas ubain en tenda. Visitar lieus enconuschents, scuvrir perlas zuppadas dal Grischun e pudair far ina scursanida tras in tunnel ch’è uschiglio scumandà per peduns. Accumpagnads da las pli differentas persunas, tranter auter da la moderatura da SRF Oceana Galmarini e dal moderatur Nik Harmann. Ed els han cuschinà savens risotto e perfin fatg café sisum il Piz Beverin.28 min
Mario survegn dus chauns
Durant la stad mussan ils «Cuntrasts» lur selecziun dals onns passads. Questa giada ina repetiziun dals 24 d'october 2021.26 min
L’art dal Baselgia
Durant la stad mussan ils «Cuntrasts» lur selecziun dals onns passads. Questa giada ina repetiziun dals 29 d'avust 2021.25 min
