Ella saja cuntenta ch'ella ha pudì prender encunter la medaglia en preschientscha da sia famiglia e da ses amis. Ella haja propi resentì gronda malgistadad a Peking e na giavischa a nagin sportist u sportista da far tras ina tala experientscha, ha Smith ditg suenter ch'ella survegnì la medaglia da bronz.
Quai è stà in mument fitg emoziunal. A Peking fissan mess entiments stads auters
En China era Fanny Smith vegnida disqualifitgada da la giuria. Il gremi era da l'avis ch'ella haja disturbà la Tudestga Daniela Meier durant la cursa da skicross. Quai è stà il cumenzament d'in lung process giuridic davart las plazzas da las atletas.
Ina midada en il process hai pir dà cura che la FIS è intervegnida. Per pudair conciliar las duas partidas, ha la FIS proponì da midar la rangaziun e da dar ad omaduas atletas ina medaglia da bronz.
Per Smith èsi la segunda medaglia da bronz olimpica. Terza era ella gia vegnida il 2018 a Pyeongchang en la Corea dal Sid.
