Il podest:
- Henrik Kristoffersen NOR (1:52.66)
- Dave Ryding GBR (+0.35)
- Linus Strasser GER (+0.47)
Janutin va per puncts tar sia premiera
Fadri Janutin da Landquart che ha 22 onns, ha dumagnà gist tar sia premiera il sigl en il segund percurs e cun quai en er en ils puncts. En il segund percurs è el vegnì 17avel. Cun sia prestaziun vegn el da sclerir almain in zic la trumpada dals auters Svizzers ch'èn crudads or.
Svizzers cun debachel
Suenter che Loïc Meillard e Ramon Zenhäusern eran stads suenter l'emprim percurs sin plazza 1 e 2, n'han els dentant betg dumagnà en l'arrivada ed uschia d'ademplir las speranzas svizras. Fardri Janutin ha dumagnà sco sulet Svizzer en il segund percurs en l'arrivada.
Ils Svizzers:
- 17. Fadri Janutin (+1.73)
- OUT Daniel Yule
- OUT Tanguy Nef
- OUT Ramon Zenhäusern
- OUT Loïc Meillard
Sandro Simonet, Luca Aerni e Marc Rochat èn crudads or gia en l'emprim percurs.
