En la categoria da vegliadetgna fin 15 onns ha Fadri Bardill da Pragg-Jenaz gudagnà la concurrenza. Ils megliers indigens èn stads Simon Mayer da Strada e Juri Oswald da Ramosch. Els dus han terminà la lutga sin plaz siat.
En la categoria da vegliadetgna fin 13 onns ha gudagnà Mauro Beeli da Flem. La categoria fin 11 onns ha gudagnà Jano Räss da Pitasch. Ed en la categoria la pli giuvna fin nov onns va la victoria a Res Weber da Saas. Meglier indigen è stà il giuven Hannes Marti da Sent. El è vegnì terz.
Avant la lutga dals mats
Scuol è stà il center dal sport da la lutga grischuna. Radund 4'000 persunas èn vegnidas sin la Motta Naluns, nua che Armon Orlik ha gudagnà per la sisavla giada la lutga grischun-glarunaisa. Ils mats han dastgà mussar lur lutga il di suenter. Per la 20avla giada è stada la lutga dals mats en Engiadina.
Questa giada han 120 mats e giuvenils gì l’occasiun da far la lutga en la stupenta arena nua ch'ils profis han mussà lur savair e pudair.
-
Bild 1 von 4. Ils pitschens sco ils gronds. Bildquelle: RTR.
-
Bild 2 von 4. Il bigl tutga tiers. Bildquelle: RTR.
-
Bild 3 von 4. Mats spetgan sin lur lutga. Bildquelle: RTR.
-
Bild 4 von 4. Quai fa bain. Bildquelle: RTR.
Ils giuvens lutgaders vegnan da l’entir chantun Grischun, intgins paucs er dals chantuns Son Gagl, Turgovia e perfin dal chantun Vallais.
Er 11 lutgaders indigens èn da la partida:
- Juri Oswald da Ramosch (2011)
- Simon Mayer da Ramosch (2011)
- Lino Carpez dad Ardez (2012)
- Leander Gmür da Ramosch (2012)
- Andrin Demonti da Scuol (2013)
- Andri Enz da Ftan (2014)
- Gabriel Gmür da Ramosch (2015)
- Mauro Melcher da Ramosch (2016)
- Ilaj Alexander Good da Ramosch (2017)
- Hannes Marti da Sent (2017)
- Armando Melcher da Ramosch (2018).