Questa fin d’emna stat Scuol en il center dal sport da lutga grischun. Radund 4000 persunas èn vegnidas sin la Motta Naluns, nua che Armon Orlik ha gudagnà per la sisavla giada la lutga grischun-glarunaisa. Uss èn ils mats uss vidlonder. Per la 20avla giada ha lieu la lutga dals mats en Engiadina.
Questa giada han 120 mats e giuvenils l’occasiun da far la lutga en la stupenta arena da lutga nua che Armon Orlik ha pudì festivar ina ulteriura victoria tar la festa grischun-glarunaisa.
Lutga da mats a Scuol
-
Bild 1 von 4. Ils pitschens sco ils gronds. Bildquelle: RTR.
-
Bild 2 von 4. Il bigl tutga tiers. Bildquelle: RTR.
-
Bild 3 von 4. Mats spetgan sin lur lutga. Bildquelle: RTR.
-
Bild 4 von 4. Quai fa bain. Bildquelle: RTR.
Mats en quatter categorias cumbattan per la victoria
La proxima generaziun è pronta e cumbatta durant la lutga da mats e giuvenils sin la Motta Naluns per la victoria en quatter differentas categorias da vegliadetgna. Mats e giuvenils en la vegliadetgna da 9 fin 15 onns èn oz vidlonder. Ils giuvens lutgaders vegnan da l’entir chantun Grischun, in pèr paucs dentant er dals chantuns Son Gagl, Turgovia e perfin dal chantun Vallais.
Er 11 lutgaders indigens èn da la partida:
- Juri Oswald da Ramosch (2011)
- Simon Mayer da Ramosch (2011)
- Lino Carpez dad Ardez (2012)
- Leander Gmür da Ramosch (2012)
- Andrin Demonti da Scuol (2013)
- Andri Enz da Ftan (2014)
- Gabriel Gmür da Ramosch (2015)
- Mauro Melcher da Ramosch (2016)
- Ilaj Alexander Good da Ramosch (2017)
- Hannes Marti da Sent (2017)
- Armando Melcher da Ramosch (2018).