La heptatlonista da Grüsch, Annik Kälin ed il sprinter da Cuira, William Reais pon omadus ir al campiunadi europeic d'atletica leva a Minca. Swiss Athletics ha selecziunà en tut 22 dunnas e 24 umens che pon ir a Minca. La squadra cumpiglia er quatter staffettas. Il campiunadi ha lieu en duas emnas, dals 15 fin ils 21 d'avust 2022.
Singulas decisiuns èn anc avertas. Uschia vai per il terz plaz da partenza sur 100 meters, dasper Mujinga Kambundji e Natacha Kuoni. Sa qualifitgar pon anc u Ajla del Ponte u Géraldine Frey.
Or da l'archiv:
Al campiunadi mundial, mez fanadur ha Kälin mussà ina fitg buna prestaziun cun ses 6avel plaz en il heptatlon.
audio
Annik Kälin vegn 6avla a ses prim campiunadi mundial
ord Actualitad dals 19.07.2022.
laschar ir. Durada: 3 minutas 26 Secundas.
