Ballape dunnas - Friedli e Peng èn nominadas per l'equipa svizra

Duas ballapedistas grischunas fan part da l'emprima fasa da preparaziun per il campiunadi mundial. La trenadra da la naziunala svizra Inka Grings ha nominà las duas golias Seraina Friedli e Livia Peng. En var in mais ha l'equipa svizra dus gieus da preparaziun cunter la Sambia ed il Maroc ch'èn medemamain al campiunadi mundial en l'Australia ed en la Nova Zelanda.