Siglir tar il cuntegn

Header

audio
Beijing 2022: Ina bilantscha sportiva da quests gieus olimpics
Or da Sport ed actualitad dals 20.02.2022.
abspielen. Laufzeit 4 minutas 52 Sekunden.
cuntegn

Beijing 2022 15 medaglias eran la finamira – 14 hai dà

La finamira da la delegaziun da Swiss Olympic era da gudagnar als gieus olimpics a Peking 15 medaglias e dapli, pia almain uschè bleras sco als davos gieus olimpics il 2018 a Pyeongchang. La finala hai dà 14 medaglias.

7 medaglias dad aur, 2 d'argient e 5 da bronz hai dà per la delegaziun svizra als gieus olimpics 2022 a Peking. Malgrà che la finamira da 15 medaglias n'è betg vegnida cuntanschida, dastga la Svizra esser cuntenta cun las prestaziuns a quests gieus olimpics en la China.

audio
Beijing 2022: Ina collascha dals atlets svizzers cun aur olimpic
aus Sport ed actualitad vom 20.02.2022.
abspielen. Laufzeit 3 minutas 29 Sekunden.
audio
Beijing 2022: Ina collascha dals atlets rumantschs e grischuns
aus Sport ed actualitad vom 20.02.2022.
abspielen. Laufzeit 4 minutas 2 Sekunden.

Per fortuna essan ina naziun dad ir cun skis

Ils gieus olimpics a Peking han mussà: La Svizra è ina naziun dad ir cun skis. 13 medaglias han ils skiunzs e las skiunzas rimnà en las spartas ski alpin, freeski e skicross. Sin in tal dumber da medaglias en las disciplinas da skis na vegn nagin'autra naziun. Persvas han spezialmain las skiunzas ed ils skiunzs alpins. Nov da las medaglias da skis èn d'engraziar ad els, tschintg da quellas en aur.

Atlets svizzers cun medaglias olimpicas a Peking:

  • Beat Feuz – AUR en la cursa rapida
  • Corinne Suter – AUR en la cursa rapida
  • Lara Gut-Behrami – AUR en il super-G
  • Marco Odermatt – AUR en il slalom gigant
  • Michelle Gisin – AUR en la cumbinaziun alpina
  • Ryan Regez – AUR en il skicross
  • Mathilde Gremaud – AUR en il freeski slopestyle
  • Alex Fiva – ARGIENT en il skicross
  • Wendy Holdener – ARGIENT en la cumbinaziun alpina
  • Lara Gut-Behrami – BRONZ en il slalom gigant
  • Michelle Gisin – BRONZ en il super-G
  • Wendy Holdener – BRONZ en il slalom
  • Jan Scherrer – BRONZ en il snowboard mesapipa
  • Mathilde Gremaud – BRONZ en il freeski big air

La Norvegia puspè la naziun numer 1

La naziun cun il pli grond success è stada la Norvegia, sco gia avant quatter onns a Pyeongchang. Als gieus olimpics a Peking han ils Norvegiais gudagnà 37 medaglias, da quai 16 dad aur. Sin il segund plaz suonda la Germania cun 27 medaglias (12 dad aur), e sin il terz plaz la China cun 15 medaglias (9 dad aur).

Actualitad 17:00

Artitgels legids il pli savens

Scrollar a sanestra Scrollar a dretga