Sco suletta Svizra è la dunna dad Engelberg sa qualifitgada per il start da massa da las meglras 30 sur 12,5 kilometers. Cun quatter sbagls da sajettar ha ella dentant pers tuttas schanzas per ina rangaziun tranter las meglras.
Gudagnà la cursa ha la victura dals gieus olimpics, Justine Braisaz-Bouchet da la Frantscha.
Sumegliant tar ils umens
Benjamin Weger terminescha sia carriera internaziunala da biatlon cun in 22avel plaz, tar il final da la cuppa mundiala ad Oslo. En la cursa cun partenza en massa sur 15 kilometers al Holmenkollen ha Weger stuì far quatter rundas da chasti ed ha la fin finala pers 2,25 minutas sin il victur.
Gudagnà ha il Norvegiais Sivert Bakken. Per el èsi stà l'emprima victoria en la cuppa mundiala.
