Siglir tar il cuntegn

Header

audio
Las biatletas svizras en la crisa. Il mument na funcziuna tant sco nagut.
Or da Actualitad dals 16.02.2022.
abspielen. Laufzeit 2 minutas 17 Sekunden.
cuntegn

Biatlon – staffetta dunnas Collaps tar Cadurisch fraina equipa svizra

Gronda trumpada tar las biatletas svizras. La cursa da staffetta è stada a fin suenter paucas minutas. Irene Cadurisch ch'ha lantschà la staffetta è, a la cua da la rangaziun, collabada ed ha stuì vegnir transportada en l'ospital. Tenor Patrik Noack haja Cadurisch gì problems cun la circulaziun.

Irene Cadurisch ha dentant pudì bandunar l'ospital e sa chatta en sia chombra en il vitg olimpic. I giaja bain cun ella, uschia Patrik Noack, il medi da Swiss Olympic.

video
Peking2022: Gronda trumpada tar las biatletas svizras
Or da Telesguard dals 16.02.2022.
abspielen. Laufzeit 1 minuta 35 Sekunden.

La cursa da staffetta è uschia stada gia baud a fin, er per Lena Häcki, Selina Gasparin ed Amy Baserga. Per Gasparin fiss quai stà la davosa cursa olimpica en sia carriera.

video
Gasparin: «Jeu sper ch'ella po svelt sa recrear»
Or da Beijing 2022 Clips dals 16.02.2022.
abspielen. Laufzeit 3 minutas 18 Sekunden.

Aur gudogna l'equipa svedaisa cun Linn Persson, Mona Brorsson, Hanna Öberg ed Elvira Öberg. Ellas han distanzià il team russ per 12 secundas. Lezzas han cuntanschì argient malgrà ina runda da chasti. Bronz ha gudagnà il quartet da la Germania. Las Norvegiaisas favurisadas ston sa cuntentar be cun plazza 4.

RTR novitads 10:00

Artitgels legids il pli savens

Scrollar a sanestra Scrollar a dretga