Il grond tema da la fin d'emna da la cuppa mundiala a Lai è stà la davosa cursa da Nino Schurter. Cun il Grischun da 39 onns ha il pli grond ciclist da cross-country da tut il temp terminà sia carriera. I n'è dentant betg stà il sulet highlight da questa stagiun.
Era ils campiunadis mundials en Svizra èn stads in punct culminant dal 2025 – pli pauc pervi dal resultat e plitost pervi da la culissa e las emoziuns dals fans.
In grond success ha Nino Schurter dentant pudì festivar. El ha gudagnà ensemen cun Filippo Colombo il Cape Epic 2025 che vala sco la pli dira cursa da mountainbike dal mund.
E per cumplettar l'onn e guardar enavos sin la carriera hai gist anc dà in film cun e sur da Nino Schurter.