En la 10avla runda da la Liga naziunala ha il HCD pers ordaifer cunter ils ZSC Lions cun 3 a 4. Ils ZSC Lions, ch'eran en il davos terz cun 1 a 3 en retard han pudì volver il gieu cunter Tavau. Ils gols per il HCD han fatg Axel Simic en la 19avla minuta, Dino Wieser en la 23avla minuta ed Andres Ambühl en la 47avla minuta.
L'ultima victoria dal HCD cunter ils ZSC Lions è stada l'entschatta 2019. Ils 23 da favrer han ils da Tavau gudagnà l'ultima giada cunter la squadra da Turitg. Dapi che Wohlwend è trenader a Tavau, n'ha il HCD anc mai gudagnà ina partida cunter Turitg.
Suenter questa terrada è il HCD crudà davent da posiziun 6 da la tabella sin posiziun 7, cun 13 puncts or dad 8 gieus.
Ils ulteriurs resultats:
- Ambri ha gudagnà cunter Bienna cun 4:0.
- Fribourg ha gudagnà cunter Lugano cun 3:2.
- Ils Lakers han gudagnà cunter Ajoie cun 3:2.
- Losanna ha guagnà cunter Berna cun 4:1.
- Ils SCL Tigers han pers la partida cunter Zug cun 1:2.
