Siglir tar il cuntegn

Header

video
Annik Kälin realisescha in nov record svizzer
Or da Sport-Clip dals 18.08.2022.
laschar ir. Durada: 1 minuta 27 Secundas.
cuntegn

Campiunadi europeic heptatlon Annik Kälin gudogna sensaziunalmain bronz

Annik Kälin po festivar il pli grond success en sia anc giuvna carriera. L'atleta da Grüsch da 22 onns ha gudagnà al campiunadi europeic d'atletica leva a Minca la medaglia da bronz en il heptatlon. En la davosa disciplina, la cursa dad 800 meters, è Kälin currida uschè svelt sco anc mai en sia carriera. Cun total 6'515 puncts ha ella er gist realisà in nov record svizzer en il heptatlon. Per il segund plaz e la medaglia d'argient han la finala be mancà 17 puncts. Campiunessa europeica è vegnida la gronda favurita Nafissatou Thiam da la Belgia ed argient ha gudagnà la Polaca Adrianna Sulek.

video
Intervista dad SRF cun Annik Kälin
Or da Sport-Clip dals 18.08.2022.
laschar ir. Durada: 8 minutas 39 Secundas.

Scherrer, Bonvin e Alberto en il Final

Julien Bonvin è currì ses meglier temp sur 400 meters cursa d'obstachels: 49,1 secundas. Cun quest temp è el en il final. Tar las dunnas èn Yasmin Giger ed Annina Fahr stadas memia plaunas per il final.

Dominik Alberto è siglì 5,65 meters cun l'asta, ed è era en il final. Chiara Scherrer è sa qualifitgada per il final sur 3'000 meters steeple. Il final è sonda a las 22:13.

RTR novitads 06:00

Artitgels legids il pli savens