Il nov campiun svizzer dal slalom gigant è Loïc Meillard. Il skiunz da 25 onns ha surpassà en il segund percurs Marco Odermatt, ch'era a la testa suenter l'emprim percurs. 30 tschientavels han decidì en favur da Meillard.
Sa rangà sco terz è Justin Murisier, cun in retard da 46 tschientavels. Cun duas bunas cursas ha el fatg gia la terza medaglia a quest campiunadi svizzer a San Murezzan. El era gia vegnì segund tar la cursa rapida, ed en il super-G dal venderdi er el daventà campiun svizzer.
Sco quart ha Gilles Roulin pers 97 tschientavels sin il meglier. E Fadri Janutin sco il pli spert Grischun è sa rangà cun in retard da 1,14 secundas sin plaz 5. La dumengia suonda cun il slalom, la davosa cursa da quest campiunadi svizzer a San Murezzan.
Holdener puspè campiunessa
Gia per la sisavla giada va Wendy Holdener per il titel da campiunessa svizra. La basa da ses success a la skiunza dal chantun Sviz mess cun far il meglier temp en l'emprim percurs, avant Michelle Gisin. Cun il quart meglier temp dal segund percurs, ha Holdener gudagnà cun in avantatg da 23 tschientavels.
La sperta dal segund percurs è stada Aline Danioth. E cun questa prestaziun ha ella cuntanschì argient, avant Michelle Gisin che ha fatg bronz.
