Igl ha dà in'ulteriura medaglia per la Svizra als campiunadis mundials da freestyle a Bakuriani en la Georgia. Il snowboardist Jan Scherrer ha gudagnà bronz en la halfpipe. Aur ha gudagnà surprendentamain il Sidcorean Lee Chaeun, argient l'Australian Valentino Guselli.
Per il Songagliais da 28 onns èsi gia la terza medaglia tar in'occurrenza gronda: Als gieus olimpics a Peking il 2022 ha el gudagnà bronz, medemamain als campiunadis mundials ad Aspen in onn avant. Tar las dunnas han Isabelle Lötscher e Berenice Wicki terminà la concurrenza sin il 7avel respectivamain 8avel plaz. Aur è ì en la China.
audio
Per tadlar: las novitads da las 10:00
ord RTR Audio dals 03.03.2023.
laschar ir. Durada: 3 minutas 25 Secundas.
