Ils Young Boys han anc ina giada pudì metter in accent, en lur davos gieu da la fasa da gruppa da la Champions League. Ils Bernais han cuntanschì cunter Manchester United in 1:1. Tuttina è l'aventura europeica a fin per YB, sco davos da la gruppa F.
Suenter che Mason Greenwood ha sajettà ManU en avantatg en la 9avla minuta, ha il giuven bernais da 19 onns Fabian Rieder pudì egualisar curt avant la pausa. Da propi volver il gieu n'hai dentant betg tanschì als Young Boys.
Naiv sposta decisiun
Per il segund plaz en ils otgavelfinals da la Champions League cumbattan en questa gruppa Atalanta e Villareal. Pervi da la navada a Bergamo ha l'arbiter dentant betg laschà dar la partida. Uss dattan il club talian ed ils Spagnols la gievgia da las 19:00 per la qualificaziun. L'equipa che sperda po lura cuntinuar en la Europa League.
