Il Club da hockey da Tavau haja pudì augmentar cun success ses agen chapital, scriva il club en ina communicaziun. Ils 10 da settember aveva la radunanza generala decis che quel pass saja necessari. Durant ils onns da pandemia e l'annullaziun da la Coppa Spengler dal 2020 e 2021 aveva il club numnadamain duvrà si sias reservas. Il 2021 ha il club pers 2,6 milliuns francs.
Sco ch'il club scriva, haja el ussa pudì generar passa 4,6 milliuns francs. Tranter auter grazia a la vendita da passa 36'000 novas aczias. Tras l'augment dal chapital èn las finanzas dal HCD puspè sanadas ed il club po far las investiziuns planisadas en l'infrastructura ed ils juniors.
Or da l'archiv:
video
Il HCD cumbatta vinavant, sin il glatsch ma era cun las finanzas
Or da Telesguard dals 08.04.2022.
laschar ir. Durada: 2 minutas 49 Secundas.
